Barselona klubi jiddiy yo‘qotishga uchradi - 18 Сентября 2017 - www.Nozim-Studio.com

Главная » » Barselona klubi jiddiy yo‘qotishga uchradi

11:02 Barselona klubi jiddiy yo‘qotishga uchradi
Kuni kecha Kataloniyaning "Barselona” klubi joriy mavsumda 105 million yevro evaziga Germaniyaning "Borussiya Dortmund” jamoasidan Usmon Dembeleni sotib olgani haqida xabar bergandik. Qimmatbaho narxga sotib olingan futbolchi Ispaniya La-Ligasining 4-turidan o‘rin olgan "Getafe”ga qarshi uchrashuv (1:2) vaqtida maydon tashqarisiga chiqib ketayotgan to‘pni o‘yinda olib qolish harakatida oyog‘ini qayirib olgan. Kataloniyaliklar safida Neymar o‘rnini bosishi kerak bo‘lgan Dembeleni tekshiruvdan o‘tkazgan shifokorlar muxlislarni quvontiradigan tashxisni aytishmadi. Dembele 8 hafta mobaynida jamoasiga yordam berolmaydi. Bu esa, "Barselona”ni ichki chempionatda "Atletiko” va "Sevilya”, Yevropa chempionlar ligasida esa "Sporting” hamda "Olimpiakos”ga qarshi o‘yinlarida Dembelesiz harakat qilishlaridan darak beradi. Ma'lum bo‘lishicha, futbolchining son sohasini ertaga, seshanba kuni Finlyandiya poytaxti Xelsinkida operatsiya qilishadi. Taxminlarga ko‘ra, Usmon Dembele 2017 yilda boshqa maydonga tushmaydi va safga kelasi yilning yanvar oyida qaytishi mumkin. Taqdirdagi o‘xshashlikni qarangki, "PSJ”ni tanlagan Neymar ham "Barselona”dagi debyutini aynan "Getafe” bilan kechgan bahsda nishonlab, o‘yinning 25 daqiqasida jarohatlanib, maydonni tark etgan ekan. Eslatib o‘tamiz, joriy yilning 3 avgust kuni braziliyalik hujumchi Neymar "Barselona”dan "PSJ”ga 222 million yevro evaziga o‘tgandi. Ispaniyaliklar Neymara o‘rnini bosish uchun aynan Usmon Dembeleni sotib olishgan.
1 2 3 4 5 Категория: Har-Hil \| Просмотров:1729 \| Добавил: Admin \| Теги: Barselona klubi jiddiy yo‘qotishga \| Рейтинг: 0.0/0