"14-avgust kuni men Iroq kuchlarining Mosul to‘g‘onini qaytarib olishiga yordam berish uchun bomba tashlash haqida buyruq berdim. Mazkur harakatlar Iroq qurolli kuchlarini qo‘llash zaruriyatidan kelib chiqib, vaqt va hudud bo‘yicha chegaralangan bo‘ladi”, — deb qayd etildi maktubda.

Prezident mazkur to‘g‘onni "infratuzilmaning favqulodda muhim bo‘lagi”, deb atadi. Uning fikricha, "to‘g‘on ustidan o‘rnatilgan nazoratni qo‘ldan boy berish ko‘plab jismoniy shaxslar hayoti, shu bilan bir vaqtda, amerikalik fuqarolar va obyektlarni, jumladan, AQShning Bog‘doddagi elchixonasini xavf ostiga qo‘ygan bo‘lar edi”. Voqealarning bunday rivoji "Iroq hukumatiga o‘z xalqini muhim aloqalar bilan ta’minlashga halal bergan bo‘lardi”.

Maktubda barcha harakatlar AQSh milliy xavfsizligi va tashqi siyosati manfaatlaridan kelib chiqib, shuningdek, Iroq hukumati bilan hamkorlikda amalga oshirilayotgani ta’kidlangan.

Obama ko‘rilayotgan mazkur choralar amaldagi harbiy vakolatlar to‘g‘risidagi AQSh qonunchiligiga to‘g‘ri kelishini qayd etgan.

O‘z navbatida, Milliy xavfsizlik kengashi vakili Keytlin Xeyden ma’muriyatning "Islom davlati”ga qarshi qaratilgan harakatlarni amalga oshirishda avval Kongress bilan maslahatlashishini ma’lum qildi. "Biz bu borada Kongressga tegishli bildirishnomalarni berib boramiz”, — dedi Xeyden.

Yakshanba kuni AQSh Qurolli kuchlari Markaziy qo‘mondonligi jangarilarning Mosul to‘g‘oni hududidagi pozitsiyalariga 14 aviazarba berilishi haqida xabar bergan edi.

MANBA : DARYO