Главная » 2018 » May » 2 » Bahodir Jalolov debyut jangini meksikalik bokschiga qarshi o‘tkazadi

---

18:58 Bahodir Jalolov debyut jangini meksikalik bokschiga qarshi o‘tkazadi

Osiyo chempioni, Jahon chempionati sovrindori Bahodir Jalolov 5 may kuni (O‘zbekistonda 6 may tongda) professional boksda debyut qiladi.   Jalolovga o‘sha kuni meksikalik bokschi Ugo Truxilo raqiblik qiladi. Ugo bungacha professional faoliyati davomida beshta jang o‘tkazib, ularning to‘rttasida g‘alaba qozongan (2 tasi nokaut bilan). Bitta jangda esa durang qayd etgan.   Shuningdek, o‘sha kuni yana bir boshqa o‘zbekistonlik bokschi Xurshidbek Normatov ham o‘zining navbatdagi jangini o‘tkazadi. Normatovga bu jangda kolumbiyalik Ronald Montes raqib bo‘ladi.   Taqqoslash uchun Normatov shu kungacha beshta jang o‘tkazib, ularning barchasida g‘alaba qozongan (2 tasi nokaut). Ronald esa prof ringda 26ta jang qilgan va 18 marotaba g‘alaba qozongan (16ta nokaut). 8 jangda mag‘lubiyatga uchragan (7 tasi nokaut).   Ma'lumot uchun, jang AQSHdagi "Foxwoods Resort Casino” arenasida o‘tkaziladi.   Eslatib o‘tamiz, avvalroq Bahodir Jalolov vatandoshlaridan duo qilib turishlari va shu duolar unga yanada kuch berishini ta'kidlagan edi.

1 2 3 4 5 Категория: Har-Hil | Просмотров:1173 | Добавил: Moderator | Рейтинг: 0.0/0

Всего комментариев: 0