Главная » 2020 » Yanvar » 29 » Avstraliya Uxandagi fuqarolarini Rojdestvo oroliga ko‘chirishga qaror qildi

---

20:16 Avstraliya Uxandagi fuqarolarini Rojdestvo oroliga ko‘chirishga qaror qildi

Avstraliya hukumati koronavirus qayd etilgan Xubey provinsiyasidan o‘z fuqarolarini olib chiqib ketishga va’da berdi. Biroq ular avval mamlakat chegarasidan bir necha ming kilometr uzoqlikdagi Rojdestvo oroliga olib boriladi, deb xabar berdi "RBK”. Mazkur bayonotni Avstraliya hukumati rahbari Skott Morrison bildirgan bo‘lib, bu borada Xitoy hukumati bilan muzokaralar o‘tkazgan. Uning so‘zlariga ko‘ra, izolyatsiya sabab Uxan shahri va butun Xubey provinsiyasida Avstraliya fuqarolari qolib ketgan. Gap 600 ga yaqin Avstraliya, shuningdek, Yangi Zelandiya va Tinch okeanidagi boshqa davlatlar aholisi haqida ketmoqda. Avstraliyadan 1 500 kilometr uzoqlikda joylashgan Rojdestvo orolida karantin zonasi tashkil etiladi. Agarda ularda koronavirus aniqlanmasa, taxminan 14 kun o‘tgach, fuqarolar Avstraliyaga qaytishi mumkin bo‘ladi. Hozirda Rojdestvo orolida Avstraliyaga kelishni istagan noqonuniy muhojirlarni saqlash markazi joylashgan. So‘nggi ma’lumotlarga ko‘ra, koronavirus bilan kasallanganlar soni 6 ming kishidan oshib ketgan. Avvalroq Yaponiya ham Uxandan 200 nafarga yaqin fuqarosini evakuatsiya qilishini ma’lum qilgandi.O‘zbekistonda hozircha koronavirus bilan kasallanish holatlari rasman qayd etilgani yo‘q. Mamlakat aeroportlarida kasallikka qarshi xavfsizlik choralari ko‘rilgan, xususan, kuni kecha Xitoydan qaytarib olib kelingan o‘zbekistonlik talabalar aeroportning o‘zidayoq jiddiy tekshiruvdan o‘tkazilgani haqida xabar berilgan edi.

1 2 3 4 5 Категория: Har-Hil | Просмотров:485 | Добавил: Admin | Теги: yangilik | Рейтинг: 0.0/0

Всего комментариев: 0