Главная » 2015 » Dekabr » 19 » AQSHning xatosi 10 kishining umriga zomin bo‘ldi

---

17:54 AQSHning xatosi 10 kishining umriga zomin bo‘ldi

AQSH harbiy qo‘mondonligi terrorchilarning tayanch nuqtasini mo‘ljalga olishda yanglishganini va oqibatda Iroq harbiylarining umriga zomin bo‘lganligini tan oldi. Iroqning al-Falluja shahri yaqinida o‘z xizmatini olib borayotgan iroqlik 10 nafar harbiy AQSH havo kuchlarining mas'uliyatsizligi oqibatida o‘q yomg‘iri ostida qolib ketishdi. Bu haqda ABC News axborot bermoqda. Shu munosabat bilan, fojea yuzasidan batafsil tekshirish ishlar olib borilishi lozim. Xalqaro koalitsiya va Iroq hukumati o‘rtasida dushman nishonlarini aniqlash bo‘yicha avvaldan kelishuvlar mavjud edi. Birinchi navbatda, ushbu kelishuvlarga rioya etilmaganini aniqlash kerak. Ushbu hududdagi havo zarbalari Iroq qo‘shinlarining quruqlikdagi harbiy harakatlarini qo‘llab-quvvatlash uchun amalga oshirildi. Iroqda DAISHga qarshi operatsiya boshlanganidan buyon bunday xatoliklar sodir etilmagan edi. Sputnik axborot agentligining so‘zlariga ko‘ra, bundan avvalroq Iroq Fallujadagi harbiy harakatlar uchun AQSHdan yordam so‘ragan. Biroq AQSH harbiy havo kuchlari DAISHga qarshi hujumni boshlashdan oldin Iroq harbiylarining joylashgan hududlarini aniqlashga urinmagan.

1 2 3 4 5 Категория: Har-Hil | Просмотров:1461 | Добавил: Admin | Рейтинг: 0.0/0

Всего комментариев: 0