Главная » 2023 » Yanvar » 25 » AQSHning Abrams tanklari Ukrainaga taxminan qancha vaqtda yetkazib berilishi ma’lum qilindi

---

20:09 AQSHning Abrams tanklari Ukrainaga taxminan qancha vaqtda yetkazib berilishi ma’lum qilindi

AQSH Ukrainaga 30 tadan 50 tagacha Abrams tanklarini topshirish haqida e’lon qilishni rejalashtirmoqda. Tanklarni yetkazib berish uchun bir yildan ko‘proq vaqt ketishi mumkin. Bu haqda ABC telekanali amerikalik mansabdorga tayanib xabar berdi. ABC xabariga ko‘ra, AQSH hukumati Abrams tanklarini Ukrainaga yetkazib berish masalasida tankni ishlab chiqaruvchi kompaniya bilan bitim tuzmoqchi, shu sababli, ularni hali ancha vaqt davomida Kiyevga yetkazib berolmasligi mumkin. AQSH rasmiysi Abrams’larning yetkazilishi bir yildan ko‘proq vaqt olishi mumkinligini tan oldi. Dastlab AQSH Ukrainaga Abrams tanklarini yetkazib berishdan bosh tortgandi, chunki logistika va ularni jang maydonida saqlash bilan bog‘liq qiyinchiliklar bunga imkon bermasligi aytilgan. Ammo, OAV xabarlariga ko‘ra, Germaniya Leopard 2 tanklarini Ukrainaga topshirish uchun AQSH ham Abrams’larni berishi kerakligi haqida shart qo‘ygan. 24-yanvar kuni Germaniyaning Spiegel nashri Germaniya hukumati nihoyat Ukraina Qurolli kuchlariga kamida o‘nta Leopard 2A6 tankini jo‘natishga rozi bo‘lganini xabar qildi. Bu haqda rasman bugun, 25-yanvar kuni e’lon qilinishi kerak. 24-yanvar kuni kechqurun Politico AQSH ham Ukrainaga 30 ta M1 Abrams tankini jo‘natmoqchiligi haqida xabar berdi. Bloomberg, Reuters va AP agentliklariga ko‘ra, Oq uy ham bugun bu qarorini rasman e’lon qiladi.

1 2 3 4 5 Категория: Har-Hil | Просмотров:91 | Добавил: moderator | Теги: yangilik | Рейтинг: 0.0/0

Всего комментариев: 0