Главная » 2023 » Yanvar » 25 » AQSHning 20 ta shtati rahbarlari Baydenning migratsiya siyosatiga qarshi sudga murojaat qildi

---

19:57 AQSHning 20 ta shtati rahbarlari Baydenning migratsiya siyosatiga qarshi sudga murojaat qildi

AQSHning Respublikachilar tomonidan boshqariladigan 20 ta shtati hukumati muhojirlarga yordam berish dasturini to‘xtatib turish talabi bilan federal sudga murojaat qildi. Bu haqda CBC xabar bermoqda. Xabarga ko‘ra, da’vo Alabama, Alyaska, Arkanzas, Aydaxo, Ayova, Vayoming, G‘arbiy Virjiniya, Kanzas, Kentukki, Luiziana, Missisipi, Missuri, Montana, Nebraska, Ogayo, Tennessi, Florida, Janubiy Karolina, Yuta kabi shtatlar rasmiylari tomonidan berilgan. Tashabbus Texas shtatidan bo‘lgan. Bu shtatlar AQSH prezidenti Jo Baydenning yangi choralariga qarshi. Shuningdek, shtatlar hokimiyat organlari ta’kidlashicha, prezident ma’muriyati ushbu dasturni amalga oshirishni boshlashdan oldin jamoatchilik fikrini o‘rganishi kerak. Bayden ma’muriyatining yangi dasturi doirasida har oy Venesuela, Gaiti, Nikaragua va Kubaning 30 mingga yaqin fuqarolari ikki yil muddatga AQSHga ishlash huquqi bilan kirishi mumkin — buning uchun AQSHda ularni taklif qilish huquqiga ega shaxslar bo‘lishi kerak, shuningdek, muhojirlar AQSH huquq-tartibot organlari tekshiruvidan o‘tishi lozim. Shu bilan birga, AQSH maʼmuriyati Gʻarbiy yarimshar davlatlaridan qochqinlarni qabul qilish uchun 2023—2024-moliyaviy yildagi kvotani oshirdi. Endi Lotin Amerikasi va Karib havzasidan 20 minggacha qochqin ushbu liniya orqali doimiy yashash huquqi bilan AQSHga ko‘chib o‘tish uchun ariza topshirishi mumkin bo‘ladi.

1 2 3 4 5 Категория: Har-Hil | Просмотров:173 | Добавил: moderator | Теги: yangilik | Рейтинг: 0.0/0

Всего комментариев: 0