Главная » 2023 » Sentyabr » 15 » AQSHdagi uchta avtomobil ishlab chiqaruvchi yirik zavodda ish tashlash boshlandi

---

21:17 AQSHdagi uchta avtomobil ishlab chiqaruvchi yirik zavodda ish tashlash boshlandi

Amerika Qo‘shma Shtatlaridagi uchta avtomobil zavodida 15-sentabr, juma kuni yarim tunda United Auto Workers (UAW) avtomobil ishchilari kasaba uyushmasi tomonidan tashkillashtirilgan ish tashlash boshlandi. UAWning 150 ming a’zosidan 13 ming nafari uchta konsernning korxonalarida — Missuri va Michigandagi General Motors va Ford, shuningdek, Amerikaning Chrysler va Jeep avtomobil brendlariga egalik qiluvchi Ogayodagi Stellantis korxonalarida ishlashni to‘xtatdi.  Kasaba uyushmasi to‘rt yil davomida ish haqini 36 foizgacha oshirishni talab qilmoqda. Dastlab UAW ish haqini 40 foizga oshirishni talab qildi, chunki avtomobil ishlab chiqaruvchi yirik zavodlar top-menejerlarining daromadlari aynan mana shu miqdorda oshgan edi. Bundan tashqari, kasaba uyushmasi 2008-yildagi moliyaviy inqirozdan keyin bekor qilingan ayrim ijtimoiy imtiyozlarni tiklashni talab qilmoqda. O‘z navbatida, ish beruvchilar 4,5 yil davomida ish haqini 20 foizga oshirishni taklif qilishdi. UAW raisi Shon Feyn kasaba uyushmasi talablarini yuqori inflyatsiya va avtomobil ishlab chiqaruvchilar foydasi oshgani bilan izohladi. Ford bosh direktori Jim Farli CNBC telekanaliga bergan intervyusida kompaniya bunday talablarni bajara olmasligini, chunki bu bankrotlikka olib kelishini aytdi. Uyushma bunga javoban Farliga o‘tgan yilgi daromadi 21 million dollar bo‘lganini eslatib o‘tdi.

1 2 3 4 5 Категория: Har-Hil | Просмотров:71 | Добавил: Admin | Теги: yangilik | Рейтинг: 0.0/0

Всего комментариев: 0