Главная » 2023 » Yanvar » 17 » AQSHda talabalarga TikTok’dan foydalanish taqiqlanmoqda

---

21:34 AQSHda talabalarga TikTok’dan foydalanish taqiqlanmoqda

AQSH davlat universitetlari talabalarga kampusga tegishli Wi-Fi tarmoqlari orqali TikTok’dan foydalanishni taqiqladi. Bu haqda The New York Times xabar berdi. Ma’lum qilinishicha, ta’lim muassasalari rasmiylar tomonidan e’lon qilingan taqiqlarga amal qilishga majbur. AQSHda oxirgi bir yarim oy ichida 19 nafar gubernatorga TikTok’dan foydalanish taqiqlangan. Prezident Jo Bayden ma’muriyati ijtimoiy tarmoq AQSH milliy xavfsizligiga tahdid solishi mumkinligidan xavotirda. TikTok’ga egalik qiluvchi ByteDance bilan bu bo‘yicha muzokaralar davom etmoqda. Davlat universitetlari taqiqqa amal qilishga majbur. Hozirda Alabama shtatidagi Auburn universitetida talabalarga TikTok’dan foydalanishga taqiq qo‘yilgan. Aydaho shtatidagi kollejlar, jumladan, Boyse va Oklaxoma universiteti ham taqiqni amalga oshirish jarayonida. Aydaho universitetining TikTok’dagi rasmiy akkaunti ham o‘chirilgan. Montana shtatidagi universitetlar va kollejlar ham taqiqlarni amalga oshirishga tayyor. Yangi taqiqlar TikTok’ni asosiy auditoriya hisoblangan o‘smirlar va yoshlarning tarmoqdan foydalanishini cheklaydi. Pew Research Center ma’lumotlariga ko‘ra, AQSHdagi o‘smirlarning uchdan ikki qismi tarmoqdan foydalanadi va bu yoshlar orasida YouTube’dan keyin ikkinchi o‘rinda turadi. TikTok vakillari ushbu cheklovlardan xavotirda ekanini bildirgan. "Biz juda ko‘p shtatlarning kiberxavfsizlikni yaxshilashga hech qanday ta’sir qilmaydigan siyosiy kurashga qo‘shilayotganidan xafamiz. Bu TikTok haqidagi asossiz yolg‘onlarga asoslangan”, — dedi TikTok vakili Jamol Braun.

1 2 3 4 5 Категория: Har-Hil | Просмотров:209 | Добавил: moderator | Теги: yangilik | Рейтинг: 0.0/0

Всего комментариев: 0