AQSh 2015-yilda Sharqiy Yevropadagi NATO davlatlariga 150 ta tank va zirhli mashina yubormoqchi. Bu haqda Amerikaning Yevropadagi kuchlari qo‘mondoni, AQSh armiyasi general-leytenanti Ben Xodjesga tayanib, "RBK” xabar berdi. Bu Boltiq mamlakatlari va Polshadagi Atlantic Resolve dasturi doirasida Rossiya tomonidan kutilishi mumkin bo‘lgan tahlikadan xavfsirayotgan ittifoqdoshlarni tinchlantirish maqsadida amalga oshiriladi. Xodjes so‘zlariga ko‘ra, Yevropada birgalikda harbiy mashqlar o‘tkaziladi, ular tugagach, harbiy texnika o‘sha yerda qoladi.