Главная » 2022 » Iyun » 25 » AQSH Ukrainaga qurol yetkazib berishda davom etadi

---

07:53 AQSH Ukrainaga qurol yetkazib berishda davom etadi

Vashington Ukrainadagi mojaroning diplomatik yechimiga umid qilmoqda va muloqotni davom ettirishga tayyor, deydi AQSH Davlat kotibi Entoni Blinken. U ayni paytda mamlakati Ukrainaga qurol yetkazib berishda davom etishini ta’kidladi. "Biz Ukrainaning muloqot orqali mojaroga barham berishga qaratilgan sa’y-harakatlarini qo‘llab-quvvatlaymiz, biroq Ukraina har qanday muzokaralar stolida mustahkam pozitsiyaga ega bo‘lishi uchun uning jang maydonidagi pozitsiyasini mustahkamlashda davom etamiz”, — deydi u. Bir kun oldin Pentagon Ukrainaga yuborilgan navbatdagi yordam tafsilotlarini e’lon qildi. AQSH Mudofaa vazirligi tomonidan e’lon qilingan kommyunikeda aytilishicha, Ukrainaga "to‘rtta HIMARS raketa tizimi, 36 ming snaryad, 18 jangovar mashina, 1,2 ming granata, 2 ming pulemyot, 18 patrul kateri, ehtiyot qismlar va boshqa jihozlar” jo‘natilgan. Pentagon matbuot kotibi Jon Kirbi, o‘z navbatida, Oq uyda bo‘lib o‘tgan brifingda AQSH ma’muriyati Ukrainaga 450 million dollar miqdorida qo‘shimcha yordam ajratishini e’lon qilganini ma’lum qildi. Ukrainaga 2022-yil fevralidan beri berilgan yordamning umumiy miqdori 6,1 milliard dollarni tashkil etdi — deydi Kirbi. Uning qo‘shimcha qilishicha, AQSHning amaldagi hukumati hokimiyatga kelganidan beri Ukrainaga yordam berish uchun 6,8 milliard dollar mablag‘ ajratilgan.

1 2 3 4 5 Категория: Har-Hil | Просмотров:279 | Добавил: moderator | Теги: yangilik | Рейтинг: 0.0/0

Всего комментариев: 0