Главная » 2017 » Iyul » 31 » AQSH Okinavadagi xarbiy bazasining 4 gektar yerini Yaponiyaga qaytardi

---

14:34 AQSH Okinavadagi xarbiy bazasining 4 gektar yerini Yaponiyaga qaytardi

AQSH hukumati Okinavadagi harbiy bazasidan 4 gektar yer maydonini Yaponiya hukumatiga qaytargani xabar qilinmoqda.   Ginovan shahri markazida joylashgan Futemma harbiy bazasiga qarashli hudud 481 gektarni tashkil qilgan. Yaponiyaga qaytarilgan hudud harbiy bazaning 0.8 foiz maydonini tashkil qilgan. 2016 yil dekabr oyida AQSH va Yaponiya o‘rtasida bu haqdagi kelishuvga erishilgan.   Ginovan shahri ma'muriyati amerikaliklar tomonidan qaytarilgan 2 kilometr uzunlikdagi hududda yo‘l qurishni rejalashtirmoqda.   Yaponiya hukumati AQSH bilan Futemma harbiy bazasini Okinavaning shimolida joylashgan Xenokoga ko‘chirishga kelishgan edi. Xenokoda AQSHga qarashli Kemp Shvab harbiy bazasi faoliyat yuritadi.   Ma'lumot uchun, Okinava prefekturasi Yaponiyaning 0.6 foiz hududini tashkil etsada, maydonining qariyb 74 foizida AQSHga tegishli bo‘lgan harbiy ob'yektlar egallagan.   Okinava prefekturasi ma'muriyatining ma'lumotlariga ko‘ra, hududda 25,8 ming nafar amarikalik harbiy xizmatchi hamda ularning 19 ming nafar oila a'zolari yashaydi.

1 2 3 4 5 Категория: Har-Hil | Просмотров:1277 | Добавил: Admin | Теги: AQSH Okinavadagi xarbiy bazasining | Рейтинг: 0.0/0

Всего комментариев: 0