Главная » 2020 » Iyun » 29 » AQSh Kongressida Rossiyani ushlab turishga 3,8 mlrd dollar ajratish taklifi bildirildi

---

15:18 AQSh Kongressida Rossiyani ushlab turishga 3,8 mlrd dollar ajratish taklifi bildirildi

AQSh Vakillar palatasining Qurolli kuchlar bo‘yicha qo‘mitasi mamlakatning 2021-yilgi harbiy budjeti loyihasida ajratiladigan mablag‘larning bir qismini Rossiyani Yevropada ushlab turish uchun yo‘naltirish taklifini bildirdi. Bu haqda qo‘mitaning rasmiy sahifasida e’lon qilingan hujjat matnida so‘z boradi. Hujjatning "Rossiya va Yevropa” kichik bo‘limida Yevropa Ittifoqining Rossiyani ushlab turishini qo‘llab-quvvatlash uchun qo‘shimcha 3,389 milliard dollar ajratish zarurligi haqida so‘z boradi. Gap, xususan, suvosti flotini, sun’iy yo‘ldosh aloqa tizimlari, harbiy xizmatchilarni dengiz transporti yordamida belgilangan joylarga tashlashda kerak bo‘ladigan zaruriy vositalar haqida ketmoqda. Hujjatda Rossiya yana ikki marotaba qayd etilgan. Birinchi holatda, Rossiya Qrim ustidan suverenitetining tan olinishiga yordam beradigan har qanday moliyalashtirishni taqiqlash haqida gap borsa, ikkinchi holatda — Kongress AQShning Rossiya bilan harbiy hamkorligini cheklashni davom etishni taklif qiladi. Bundan tashqari, Vakillar palatasi qo‘mitasi Ukrainaga 250 million dollar harbiy yordam ajratish taklifini bildirgan. Mablag‘larning 50 million dollari Kiyev uchun halokatli qurollanishlarni moliyalashtirishga yo‘naltiriladi.

1 2 3 4 5 Категория: Har-Hil | Просмотров:534 | Добавил: moderator | Теги: yangilik | Рейтинг: 0.0/0

Всего комментариев: 0