Главная » 2020 » Fevral » 18 » Angry Birds o‘yini yaratuvchisi O‘zbekistonda trening o‘tkazadi

---

13:16 Angry Birds o‘yini yaratuvchisi O‘zbekistonda trening o‘tkazadi

Finlyandiyaning Rovio kompaniyasi marketing bo‘yicha direktori, Angry Birds ommaviy o‘yini yaratuvchilaridan biri Piter Vesterbek 2020-yil 26-fevral kuni Toshkentda trening o‘tkazadi. Bu haqda "It-park.uz” xabar berdi. Treningning maqsadi mahalliy mutaxassislar malakasini oshirish uchun Yevropadagi IT-sanoat ishlash metodlarini ularga tushuntirish, shuningdek, savol va javoblar sessiyasini tashkil qilishdan iborat. Tadbirda ishtiokchilar eng taniqli video‘yinlardan biriga aylangan Angry Birds yaratuvchilaridan bo‘lgan dasturchi bilan suhbat qurishi mumkin. Angry Birds tarixi 2009-yilda boshlangan va 2016-yilgacha davom etdi. Shuningdek, 2016-yilda ushbu o‘yin voqealariga asoslangan multiplikatsion film namoyish qilingan, 2019-yilda millionlab muxlislar mehrini qozongan Angry Birds’ning navbatdagi filmi prokatga chiqdi. Piter Vesterbek ushbu jarayonlarda bevosita ishtirok etgan. Vesterbek Rovio’ga kelguniga qadar ham IT sohasida uzoq vaqt ishlagan, u HP Mobile E-Services Bazaar asoschisi, shuningdek, MobileMonday, Edunation, Fun Academy, Lightneer, HP Bazaar, FinEst Bay Area va Slush kabi loyihalarning ta’sischilaridan hisoblanadi. Vesterbek 2011-yilda Time jurnali talqiniga ko‘ra, "Dunyoning eng obro‘li 100 odami” ro‘yxatiga kirgan. 2015-yilga kelib u ushbu ro‘yxatda kuchli o‘nlikda qayd qilindi. Soha bilimdoni va kuchli notiq bo‘lgan Vesterbek 2018-yilda Shanxaydagi Tunszi innovatsiyalar va tadbirkorlik universitetining professori ilmiy maqomiga erishgan.

1 2 3 4 5 Категория: Har-Hil | Просмотров:602 | Добавил: moderator | Теги: yangilik | Рейтинг: 0.0/0

Всего комментариев: 0