Главная » 2021 » Dekabr » 30 » Alyaskada qish o‘rtasida harorat 20 darajagacha ko‘tarildi

---

22:09 Alyaskada qish o‘rtasida harorat 20 darajagacha ko‘tarildi

AQShning Alyaska shtati tarixida dekabrning eng issiq kuni kuzatildi. BBC xabariga ko‘ra, 26-dekabr kuni Kodiak orolida harorat rekord ko‘rsatkich — Selsiy bo‘yicha 19,4 darajaga ko‘tarilgan. Bu ko‘rsatkich shtatda avvalgi yillarning shu kunida kuzatilgan maksimal haroratdan 7 darajaga yuqori. Shu bilan birga shtatning boshqa hududlarida rekord darajadagi past haroratlar kuzatilmoqda. Xususan, Ketchikan shahrida 25-dekabr kuni havo harorati minus 18 darajagacha pasaygan. Mutaxassislarning ta’kidlashicha, Gavayi orollaridan kelgan iliq havo oqimi odatda dekabrda sovuq va quruq bo‘ladigan Alyaska havosini namlantirgan. Kuchli qor yog‘ishi ortidan kuchli yomg‘ir yog‘ib, mintaqani muz qopladi, chunki suv tezda muzlab qolgan. Bu esa elektr energiyasida katta uzilishlarga va yo‘llarning yopilishiga olib keldi. Yo‘llardagi muz mart yoki aprelgacha erimasligi mumkin, deyiladi xabarda. Avvalroq Grenlandiyaning eng yuqori nuqtasida 7 soat yomg‘ir yog‘gandi. Bu kuzatuvlar tarixidagi birinchi yomg‘ir ekani qayd etilgan. Shuningdek, Buyuk Britaniyada "arvoh kamalak” hosil bo‘lgani, Kanadada ko‘l yuzasini g‘aroyib muzli sharchalar qoplagani haqida xabar berilgandi.

1 2 3 4 5 Категория: Har-Hil | Просмотров:379 | Добавил: moderator | Теги: yangilik | Рейтинг: 0.0/0

Всего комментариев: 0