Главная » 2023 » Iyul » 6 » Alibaba asoschisi Jek Ma O‘zbekistonga keldi — OAV

---

22:59 Alibaba asoschisi Jek Ma O‘zbekistonga keldi — OAV

Alibaba asoschisi va milliarder Jek Ma Pokistonga safaridan keyin 30-iyun kuni shaxsiy samolyotda O‘zbekistonga tashrif buyurdi, deb xabar bermoqda ommaviy axborot vositalari. Jek Ma dastlab Nepalga, so‘ng Pokistonga qisqa shaxsiy tashrif bilan kelgan. Uning safari haqida Pokiston OAVlari xabar topgan. Qayd etilishicha, xitoylik biznes-magnat 29-iyun kuni Islomobodga qo‘ngan, Lahorga tashrif buyurgan va ertasiga shaxsiy samolyotda O‘zbekistonga uchib ketgan. Pokistonga qisqa safari davomida 58 yoshli tadbirkor mamlakat rasmiylari va ommaviy axborot vositalari bilan gaplashishdan qochgan, uning tashrifi shaxsiy, deb izohlangan. Milliarderning Pokistonga safaridan hatto Xitoy elchixonasi bexabar qolgan. Biznes-magnatga besh nafar xitoylik, bir amerikalik va bir nafar daniyalik hamrohlik qilgan. Ayni paytda Jek Maning O‘zbekistonga tashrifi yakunlari haqida ma’lumot yo‘q. Eslatib o‘tamiz, Xitoyda texnologiya tadbirkorlariga qarshi kurash chog‘ida Jek Ma bir yilga yaqin xorijda bo‘ldi, ommaga ko‘rinish bermadi. 2023-yilning mart oyida u o‘z vataniga qaytdi.

1 2 3 4 5 Категория: Har-Hil | Просмотров:84 | Добавил: moderator | Теги: yangilik | Рейтинг: 0.0/0

Всего комментариев: 0