Главная » 2016 » Aprel » 30 » Aktrisa Shahzoda Muhammedovani savodsizlikda ayblashdi

---

14:53 Aktrisa Shahzoda Muhammedovani savodsizlikda ayblashdi

Aktrisa Shahzoda Muhammedovaning o'zi tikkan liboslar do'konini ochayotgani haqida xabar bergan edik. Kun ora ijtimoiy tarmoqlardagi shaxsiy sahifasiga do'konining suratlarini joylab borayotgan Shahzodani muxlislar savodsizlikda ayblashdi. Shahzoda Muhammedova ijtimoiy tarmoqlardagi sahifasini "Shaxzoda_Muxammedova” deb xato nomlagan edi. Aslida esa "Shahzoda_Muhammedova” bo'lishi kerak. To'g'ri, ijtimoiy tarmoqlardagi bu holat aktrisani ayblashga va e'tibor qilishga arzimas. Lekin Shahzoda Muhammedova do'koni peshtoqiga o'z ismini noto'g'ri yozdirishini nima bilan oqlab bo'ladi? Do'kon kiraverisha katta qilib "Shaxzoda” deb yozilgani tasvirlangan suratlarni ijtimoiy tarmoqlarga tinimsiz joylab borayotgan aktrisani internet foydalanuvchilari savodsizlikni targ'ib qilishda ayblab, mashhur inson bo'la turib bu xatti-harakati bilan o'zbek tiliga bo'lgan hurmatsizligini ifoda etayotganini aytishmoqda. Bir paytlar aktrisa Shahzoda Muhammedovaga "Ismingizni nega xato bilan yozasiz”, deb savol berganimizda, "Menga shunisi yoqadi”, deb javob qaytargandi. Nahot, u bunday xatolarni nazorat qiluvchi tashkilotlarga ham yuqoridagi kabi "jo'yali” javob qaytargan bo'lsa... Mutasaddi tashkilotlar, xususan, hokimliklar bunday holatlarga qachongacha panja ortidan qaraydi. Buyuk adib, ma'rifatparvar Abdulla Qahhor "Nima uchun ko'cha harakati qoidasini buzgan kishiga militsiya hushtak chaladi-yu, butun bir tilni buzayotgan odamlarga hech kim hushtak chalmaydi?”, degan edi. Bu so'zlar mana necha yillar o'tsa ham o'z zalvorini yo'qotmayotgandek. San'at ahli har bir xatti-harakati bilan odamlarga o'rnak ekan, bas shunga yarasha ish qilgani ma'qul. Shahzoda Muhammedova bu so'zlardan tegishli xulosa chiqaradi, deb umid qilamiz.

1 2 3 4 5 Категория: Har-Hil | Просмотров:2184 | Добавил: Admin | Теги: Aktrisa Shahzoda Muhammedovani savo | Рейтинг: 0.0/0

Всего комментариев: 0