Главная » 2018 » May » 8 » 540 nafar harbiy xizmatchiga yangi uylar kaliti topshirildi

---

16:35 540 nafar harbiy xizmatchiga yangi uylar kaliti topshirildi

Keyingi yillarda hukumatimiz tomonidan Mudofaa vazirligi harbiy xizmatchilarini uy-joy bilan ta'minlash hamda ularning oila a'zolarining yashash sharoitini yaxshilash bo‘yicha keng ko‘lamli ishlar amalga oshirilmoqda.   O‘zbekiston Respublikasi Prezidenti Shavkat Mirziyoyevning 2017 yil 30 martdagi "O‘zbekiston Respublikasi Mudofaa vazirligi harbiy xizmatchilari uchun uy-joy qurish dasturi to‘g‘risida”gi qaroriga muvofiq Mudofaa vazirligi harbiy xizmatchilariga uzoq muddatli imtiyozli kreditlar asosida 2017 yilning o‘zida 56 ta ko‘p qavatli uy-joy qurildi. Ushbu uy-joy binolari namunaviy loyihalar asosida bunyod etilgan bo‘lsa, 2018 yilda esa ana shunday uylarning yana 100 tasi qurib bitkazildi.   6 may kuni Toshkent shahri Yashnobod tumani "Olmos” mahalla fuqarolar yig‘ini hududida bunyod etilgan 540 xonadondan iborat ko‘p qavatli yangi uylarning kalitlari 9 may – Xotira va Qadrlash kuni bayrami arafasida 540 nafar harbiy xizmatchilarga tantanali tarzda topshirildi.   O‘zbekiston Respublikasi Mudofaa vaziri general-mayor Abdusalom Azizov ushbu tadbirni ochib berdi va Shavkat Mirziyoyev tomonidan Vatan himoyachilarining ijtimoiy himoyasi masalalariga yuksak e'tibor berilayotganini ta'kidladi.   Zamonaviy sharoitlarga ega sifatli va shinam uylar "Qishloq qurilish invest” hamda bosh loyihachi "Qishloq qurilish loyihasi” mutaxassislari tomonidan bunyod etilgan.

1 2 3 4 5 Категория: Har-Hil | Просмотров:1321 | Добавил: Moderator | Рейтинг: 0.0/0

Всего комментариев: 0