Главная » 2023 » Yanvar » 13 » 2022-yilda mobil o‘yinlarga global xarajat 5 foizga kamaydi

---

15:24 2022-yilda mobil o‘yinlarga global xarajat 5 foizga kamaydi

Ilgari App Anniye nomi bilan tanilgan Data.ai tadqiqot kompaniyasi hisobotida aytilishicha, mobil o‘yin foydalanuvchilari 2022-yilda ilova ichidagi xarajatlarini 5 foizga qisqartirdi. Bu haqda "Interfaks” xabar bermoqda. Hisobotga ko‘ra, xarajatlarning kamayishiga yuqori inflyatsiya sabab bo‘lgan. Kompaniyaga ko‘ra, mobil o‘yinlar xaridlarining umumiy hajmi 110 milliard dollarni tashkil etgan. 2023-yilda bu ko‘rsatkich yana 3 foizga kamayib, 107 milliard dollarga tushishi mumkin. Shu bilan birga, o‘yinlar bilan ilovalarni o‘rnatish soni yangi rekordga yetgan — 90 milliard, o‘tgan yilga nisbatan 8 foizga ko‘p. "Odamlar narx-navoga ko‘proq e’tibor qaratmoqda va moliyaviy jihatdan ancha konservativ bo‘la boshladi”, — deydi Data.ai tadqiqot bo‘limi rahbari Leksi Sidou. Uning qo‘shimcha qilishicha, o‘yin segmenti har qanday boshqa turdagi mobil ilovalarga qaraganda xarajatlarni kamaytirishdan ko‘proq zarar ko‘rgan. O‘yinga oid bo‘lmagan ilovalarning xarajatlari 2022-yilda 6 foizga oshib, 58 milliard dollarga yetdi. O‘sishning katta qismi striming platformalari, tanishuv ilovalari va qisqa video xizmatlari, jumladan TikTok hisobiga to‘g‘ri keldi. O‘yin uchun mo‘ljallanmagan mobil ilovalarni yuklab olish 13 foizga oshib, 165 milliardga yetdi

1 2 3 4 5 Категория: Har-Hil | Просмотров:187 | Добавил: moderator | Теги: yangilik | Рейтинг: 0.0/0

Всего комментариев: 0