Главная » 2018 » May » 5 » 19 farzandni voyaga yetkazgan baxmallik urush qatnashchisi xotiralari

---

16:52 19 farzandni voyaga yetkazgan baxmallik urush qatnashchisi xotiralari

Markaziy harbiy okrug xizmatchilari Jizzax viloyati Baxmal tumanidagi Zartepa qishlog‘ida istiqomat qilayotgan 92 yoshli urush qatnashchisi Xojibobo Ashurmatov holidan xabar olishdi. Bu haqda O‘zbekiston Respublikasi Mudofaa vazirligi "Qalampir.uz”ga ma'lum qildi.   Ma'lum bo‘lishicha, Turot va Toshbuvadan yolg‘iz farzand Xojibobo Ashurmatov dalada omoch haydayotgan pallada urushga chaqirilgan.   U 16 yosh ekanida qariyb sakkiz yil umrini qonli janggohlarda o‘tkazib, Berlin ostonalarigacha kirib borgan. Xojibobo bilan frontda bo‘lgan baxmallik urush qatnashchilari Eshmurod Turdiyev, Bozorboy Qo‘shanov hamda G‘iyos Bekanov bugun mana shunday faraxbaxsh kunlarda keksalik gashtini surmoqda.   Xojibobo va Zuhra aya 19 farzandni tarbiyalab, kamolga yetkazdi. Eng kichik qizi Muhayyo Turotova 22 yoshda, buni qarangki, otaxon 70 yoshga kirganda, qizaloq dunyoga keldi.   Xojibobo suhbat davomida o‘zi yaratgan bog‘, urushdan keyingi cho‘ponligi, imomlik faoliyati va masjid qurilishidagi hissasi hamda 1999 yilda haj safariga borganligini so‘zlab berdi.   Harbiy xizmatchilar urush qatnashchisi Xojibobo Ashurmatovni bayram bilan tabriklab, sovg‘alar ulashdi.   Ta'kidlash kerakki, 9 may Xotira va qadrlash kuni munosabati bilan hududlardagi urush qatnashchilari holidan xabar olinib, yetarli e'tibor qaratilmoqda.

1 2 3 4 5 Категория: Har-Hil | Просмотров:1158 | Добавил: Moderator | Рейтинг: 0.0/0

Всего комментариев: 0