Главная » 2016 » Oktyabr » 10 » 15 kun avval yo‘qolgan qiz garajlar orasidan osilgan holda topildi

---

20:28 15 kun avval yo‘qolgan qiz garajlar orasidan osilgan holda topildi

Qozog‘istonning Qarag‘anda shahrida istiqomat qiluvchi Kundiz Bakeyeva shu yilning 27 sentyabr kuni sirli ravishda yo‘qolib qolgani haqida politsiyaga xabar berilgandi. Bugun, 10 oktyabr kuni, Kundiz yo‘qolgan kundan 15 kun o‘tib, uning murdasi garajlar saqlanadigan massivda osilgan holda topildi. Bu haqda "Nur.kz” xabar bermoqda.   Kundiz yo‘qolgach, uning qidirilayotgani haqida Qarag‘andadagi har bir ko‘chaga e'lonlar yopishtirilgandi. 24 yoshli qizning oilasi mahalliy aholi vakillaridan qizlarini topishda yordam berishlarini ham so‘rashgandi.   "U bu ishni o‘zi qilganmi yoki unga yordam berishganmi bilmayman. Dugonamning jasadi ekspertizada. Voqyea joyida politsiya, sud-tibbiy ekspertiza vakillari ishlashmoqda. Shaxsan men uning hayotni o‘z istagi bilan tark etganiga ishonmayman. Kundizning o‘z joniga qasd qiladigan biror sababi yo‘q edi. Yo‘qolib qolishidan avval, men u bilan suhbatlashgandim. U nihoyatda quvnoq edi, depressiya alomatlari sezilmasdi”, deydi marhumaning dugonasi.   Qarag‘anda Ichki ishlar departamenti Matbuot xizmati vakilining so‘zlariga ko‘ra, ushbu ish yuzasidan jinoiy ish ochilgan. Garchi jinoyat ishi "QJK 105-moddasi, o‘z joniga qasd qilish” bo‘yicha ochilgan bo‘lsa-da, surishtiruv tergov ishlari olib borilmoqda. Jasad ustida bir qator ekspertizalar, tekshiruvlar o‘tkazilmoqda.

1 2 3 4 5 Категория: Har-Hil | Просмотров:2392 | Добавил: Admin | Теги: 15 кун аввал йўқолган қиз гаражлар | Рейтинг: 0.0/0

Всего комментариев: 0