Главная » 2022 » Noyabr » 13 » “Ushbu teraktda ayol kishi ishtirok etgani haqida ma’lumotlar bor” — Turkiya prezidenti

---

21:16 “Ushbu teraktda ayol kishi ishtirok etgani haqida ma’lumotlar bor” — Turkiya prezidenti

Turkiya prezidenti Rajab Toyyib Erdo‘g‘on Istanbulning markazida 13-noyabr kuni yuz bergan kuchli portlashga munosabat bildirdi. Bu haqda Al Jazeera xabar berdi. Prezidentning ma’lum qilishicha, odamlar bilan gavjum bo‘lgan yirik piyodalar ko‘chasidagi portlash oqibatida 6 kishi halok bo‘lgan, 53 kishi jarohatlangan. Hodisa terrorchilik harakatiga ishora qiladi. Istanbul Bosh prokururori portlashni terakt deb baholagandi. "Ushbu teraktda ayol kishi ishtirok etgani haqida ma’lumotlar bor. Kuzatuv kameralari yozuvlarini o‘rganish davom etmoqda”, — deydi Turkiya prezidenti. Ta’kidlanishicha, to‘rt kishi voqea joyida, ikki nafari esa shifoxonada halok bo‘ldi. Istanbul gubernatori Ali Yerlikaya portlash mahalliy vaqt bilan soat 16:20 (Toshkent vaqti bilan 18:20) da sodir bo‘lganini aytdi. Rossiya bosh konsulligi binosi ham portlash yuz bergan ko‘chada joylashgan. Hodisaga xudkush terrorchining o‘zini portlatib yuborishi sabab bo‘lgani aytilmoqda. Mamlakatda ijtimoiy tarmoqlarga kirish cheklandi, jurnalistlarga hodisani yoritish esa taqiqlandi. Hozirda halok bo‘lgan va yaralanganlarning shaxsiga aniqlik kiritilmoqda. Dastlab 11 kishi jarohatlangani va 4 kishi halok bo‘lgani e‘lon qilingandi.

1 2 3 4 5 Категория: Har-Hil | Просмотров:388 | Добавил: moderator | Теги: yangilik | Рейтинг: 0.0/0

Всего комментариев: 0