Главная » 2021 » Mart » 16 » “O‘zstandart” agentligi bolalarga Music Lollipop o‘yinchog‘ini xarid qilishda ogoh bo‘lishga chaqirdi

---

21:23 “O‘zstandart” agentligi bolalarga Music Lollipop o‘yinchog‘ini xarid qilishda ogoh bo‘lishga chaqirdi

O‘zbekiston standartlashtirish, metrologiya va sertifikatlashtirish agentligi ota-onalarni Xitoyda ishlab chiqarilgan Music Lollipop o‘yinchog‘ini sotib olishda ogohlikka chaqirdi. Ma’lum qilinishicha, ushbu o‘yinchoq rusumi Haunger bo‘lib, xavf turi bo‘g‘ilish hisoblanadi. Batareyada ishlaydigan mazkur o‘yinchoq lollipop-shirinligi ko‘rinishida yaratilgan. "O‘yinchoq dastagi juda uzun va yosh bola dastakni og‘ziga solib, tiqilib qolishi mumkin. Mahsulot o‘yinchoqlar xavfsizligi to‘g‘risidagi ko‘rsatma va tegishli Yevropa standarti EN 71-1 talablariga to‘laqonli javob bermaydi. O‘rov-idishi blister oynachali karton qutidan iborat”, — deyiladi xabarda. Agentlik axborot tizimiga kiritilgan sifatsiz mahsulotlar bilan "control.standart.uz” elektron manzili orqali batafsil tanishish mumkinligini eslatib o‘tgan. Eslatib o‘tamiz, 2018-yilda "O‘zstandart” agentligi Toshkent bozorlarida saraton kasalligini keltirib chiqaruvchi bolalar o‘yinchoqlari sotilayotganligini aniqlagan edi.

1 2 3 4 5 Категория: Har-Hil | Просмотров:575 | Добавил: moderator | Теги: yangilik | Рейтинг: 0.0/0

Всего комментариев: 0