Главная » 2022 » May » 6 » “O‘zgidromet” respublikaning ba’zi joylarida 8—10-may kunlari kuchli shamol bo‘lishidan ogohlantirdi

---

20:04 “O‘zgidromet” respublikaning ba’zi joylarida 8—10-may kunlari kuchli shamol bo‘lishidan ogohlantirdi

O‘zbekistonning shimoliy hududlariga 8-may kuni, 9—11-may kunlari esa respublikaning barcha hududlariga Kavkaz hududlaridan nam va nisbatan salqin havo kirib keladi. Bu haqda "O‘zgidromet” xabar qildi.Qayd etilishicha, 8-mayda Qoraqalpog‘istonda, Xorazm viloyatida, 9—11-mayda respublika bo‘yicha ba’zi joylarda qisqa muddatli yomg‘ir yog‘adi, momaqaldiroq bo‘lishi mumkin. Jumladan:9-mayda Qoraqalpog‘istonda, Xorazm, Buxoro va Navoiy viloyatlarida; 10-mayda Buxoro, Navoiy viloyatlarida; 10—11-mayda Toshkent, Samarqand, Jizzax, Sirdaryo, Qashqadaryo, Surxondaryo viloyatlarida va Farg‘ona vodiysi viloyatlarida ba’zi joylarda kuchli yomg‘ir yog‘ishi mumkin. 8—10-mayda respublika bo‘yicha ba’zi joylarda shamol 15—20 m/s gacha, shimolda va cho‘l hududlarda 22—25 m/s gacha kuchayishi kutilmoqda. Ayrim joylarda chang to‘zonlari kuzatilishi mumkin. 10—11-mayda kunduzgi havo harorati 20-25 gradusgacha pasayadi.Avvalroq kelasi hafta boshlarida O‘zbekistonning katta qismida kuchli jala yomg‘irlar yog‘ishi mumkinligi xabar qilingandi.Eslatib o‘tamiz, "O‘zgidromet” 3—4-mayda Volgabo‘yi hududlaridan nam va nisbatan salqin havo massalari kirib kelishini ma’lum qilgandi. Kuchli yog‘ingarchilik sabab O‘zbekistonning ayrim hududlarida sel oqimlari va toshqin suvlari yuzaga keldi.

1 2 3 4 5 Категория: Har-Hil | Просмотров:707 | Добавил: moderator | Теги: yangilik | Рейтинг: 0.0/0

Всего комментариев: 0