Главная » 2023 » Fevral » 10 » Mahallalardagi otinoyi va ko‘chaboshilar xotin-qizlar o‘rtasida targ‘ibot guruhlarini shakllantiradi — Davlat dasturi loyihasi

---

22:43 Mahallalardagi otinoyi va ko‘chaboshilar xotin-qizlar o‘rtasida targ‘ibot guruhlarini shakllantiradi — Davlat dasturi loyihasi

O‘zbekiston mahallalarida 2023-yilda xotin-qizlarning ijtimoiy faolliklarini oshirishga qaratilgan tadbirlar tashkil etiladi. Bu jamoatchilik  muhokamasiga qo‘yilgan davlat dasturi loyihasida ko‘zda tutilgan. Qayd etilishicha, barcha mahallalarda xotin-qizlar faoli mas’ulligida "Oqila ayollar” harakati negizida otinoyilar, ko‘chaboshilar, yoshlar yetakchilari, faol xotin-qizlardan iborat tarkibda mahalla targ‘ibot guruhlari shakllantiriladi. Targ‘ibot guruhlari tomonidan ushbu yo‘nalishda Toshkent shahrida amalga oshirilgan ishlarni tahlil qilish hamda uning natijalari asosida mahallalarda xotin-qizlar o‘rtasida radikallashuvni oldini olish, shuningdek, ularni qo‘llab-quvvatlash va ijtimoiy faolliklarini oshirishga qaratilgan chora-tadbirlar rejasi ishlab chiqiladi. Shuningdek, tuman (shahar)lar va viloyatlarda targ‘ibotchilar guruhlarini shakllantirish, ular uchun o‘quvlarni tashkil etish; har bir tuman (shahar)ning tadbirlarni o‘tkazish grafiklari ishlab chiqishini tashkillashtirish rejalashtirilgan. Oila va xotin-qizlar qo‘mitasi, Din ishlari bo‘yicha qo‘mita, Madaniyat va turizm vazirligi, Oliy ta’lim, fan va innovatsiyalar vazirligi, Yoshlar siyosati va sport vazirligi topshiriq ijrosi uchun mas’ul hisoblanadi.

1 2 3 4 5 Категория: Har-Hil | Просмотров:380 | Добавил: moderator | Теги: yangilik | Рейтинг: 0.0/0

Всего комментариев: 0