Главная » 2023 » Yanvar » 29 » Ispaniya politsiyasi chorva mollarini olib ketayotgan kemadan 114 mln dollarlik kokain topdi

---

13:46 Ispaniya politsiyasi chorva mollarini olib ketayotgan kemadan 114 mln dollarlik kokain topdi

Ispaniya politsiyasi Kanar orollari yaqinida chorva mollarini olib ketayotgan kemadan qiymati taxminan 105 million yevro (114 million dollar) bo‘lgan 4,5 tonna kokainni musodara qildi. Politsiya bayonotida aytilishicha, reyd hafta boshida o‘tkazilgan. Orion V kemasi Togo bayrog‘i ostida Kolumbiyadan suzib kelgan. 28 nafar ekipaj aʼzosi hibsga olingan. Ularni hibsga olish operatsiyasi Togo politsiyasi va AQSH Narkotiklarga qarshi kurash boshqarmasi bilan hamkorlikda o‘tkazilgan. Kema avvalroq o‘ndan ortiq mamlakat portlarda to‘xtab o‘tgan. Politsiyaning ta’kidlashicha, narkosavdogarlar Lotin Amerikasidan Yevropaga giyohvand moddalarni yetkazib berishning yangi usullarini izlay boshlagan. Xususan, kontrabandachilar chorva mollarini tashish kemalaridan foydalanishga o‘tgan chunki bunday yukni tekshirish qiyinroq. "Xalqaro guruhlar yana Lotin Amerikasidan Yevropaga giyohvand moddalar tashish bilan shug‘ullanishni boshladi, ular chorva mollaridan foydalanib, yukni nazorat qilish va qo‘lga olishni qiyinlashtirmoqda”, — dedi Ispaniya politsiyasi.

1 2 3 4 5 Категория: Har-Hil | Просмотров:358 | Добавил: moderator | Теги: yangilik | Рейтинг: 0.0/0

Всего комментариев: 0