Главная » 2020 » Iyul » 1 » Yevroittifoq 1-iyuldan boshlab 14 ta mamlakat uchun tashqi chegaralarini ochdi

---

08:22 Yevroittifoq 1-iyuldan boshlab 14 ta mamlakat uchun tashqi chegaralarini ochdi

Yevropa Ittifoqi kengashi 1-iyuldan boshlab tashqi chegaralarini ochadigan davlatlar ro‘yxatini oshkor etdi. Bu haqda kengash rasmiy bayonotida ma’lum qilingan. Ro‘yxatga Jazoir, Avstraliya, Gruziya, Kanada, Marokash, Yangi Zelandiya, Ruanda, Serbiya, Tailand, Tunis, Urugvay, Chernogoriya, Janubiy Koreya va Yaponiya kiritilgan. Mazkur ro‘yxat uchta mezon asosida tuzib chiqilgan: oxirgi 14 kun davomida 100 ming nafar mamlakat aholisiga nisbatan koronavirus yuqtirib olganlar soni, hududdagi COVID-19 bilan bog‘liq barqaror yoki beqaror holat va davlatning koronavirus tarqalishiga qarshi umumiy tayyorgarlik darajasi. Bayonotda qayd etilishicha, ro‘yxat har ikki haftada yangilab boriladi. AQSh hamda Xitoy uchun tashqi chegaralar yopiqligicha qoladi. Yevroittifoq XXRni hukumat mamlakat hududiga yevropaliklarning kirishiga ruxsat bergan taqdirdagina mazkur ro‘yxatga kiritmoqchi. Avval Euronews Yevroittifoq ro‘yxatining qoralama nusxasiga 54 ta mamlakat, jumladan, O‘zbekiston ham kiritilganini xabar qilgandi.

1 2 3 4 5 Категория: Har-Hil | Просмотров:443 | Добавил: moderator | Теги: yangilik | Рейтинг: 0.0/0

Всего комментариев: 0