Главная » 2020 » Iyun » 30 » Toshkentlik tadbirkor poytaxt taksi xizmati uchun Xitoydan 500 ta elektromobil olib keldi

---

13:25 Toshkentlik tadbirkor poytaxt taksi xizmati uchun Xitoydan 500 ta elektromobil olib keldi

Toshkentda taksi xizmati uchun Xitoydan 500 ta BAIC elektomobillari olib kelindi, deb xabar beradi poytaxt hokimligi matbuot xizmati. Ma’lumotlarga ko‘ra, buning uchun toshkentlik tadbirkor tomonidan 500 ta elektr tokidan quvvat olib harakatlanuvchi avtomobil xarid qilingan. Ekologik toza va hamyonbop transport vositasi bir marta quvvatlanish orqali 450 kilometr masofani bosib o‘tishga qodir. "Trassaga chiqsa, 540 kilometr yura oladi. 16 ming so‘mga 400 kilometr yuradigan bo‘lsa, bu bir kilometr 50-60 so‘mga to‘g‘ri keladi degani. Mashinaga 53 kilovattli akkumulyator o‘rnatilgan bo‘lib, unga 8 yil kafolati bor, biror nima bo‘lsa zavod uni almashtirib beradi”, — deyiladi xabarda. Ta’kidlanishicha, bu turdagi elektromobillarni O‘zbekistonga olib kirish uchun 15 foiz QQS mavjud. Har bir elektromobilning o‘z quvvatlantirgichi bo‘lib, u 19 soatda mashinani quvvatlantiradi. Biroq taksilar uchun maxsus stansiyalar olib kelinadi, ular mashinani 30 daqiqada quvvatlantira oladi. Eslatib o‘tamiz, 2019-yilning sentabridan boshlab Belarusning Vitovt Electro E420 elektrobusi Toshkent ko‘chalari bo‘ylab qatnay boshlagandi. Mazkur transport vositasi 450 ming dollarga xarid qilingan edi. Shu yilning mart oyida esa Xitoyning Yutong elektrobusi poytaxtda harakatlana boshlagani ma’lum bo‘lgandi.

1 2 3 4 5 Категория: Har-Hil | Просмотров:433 | Добавил: moderator | Теги: yangilik | Рейтинг: 0.0/0

Всего комментариев: 0