Главная » 2022 » Aprel » 11 » Toshkentda Mercedes-Benz’da yuzaga kelgan yong‘in sababi ma’lum qilindi

---

06:22 Toshkentda Mercedes-Benz’da yuzaga kelgan yong‘in sababi ma’lum qilindi

Toshkent shahri Mirzo Ulug‘bek tumanida 10-aprel kuni Mercedes-Benz avtomashinasi yonib ketgani haqida xabar berilgandi. Yo‘l harakati xavfsizligi xizmati yong‘inning kelib chiqish sababini ma’lum qildi. Dastlabki ma’lumotlarga ko‘ra, holat 10-aprel kuni soat 13:40 larda Mustaqillik shohko‘chasi "Pushkin” metro bekati qarshisida sodir bo‘lgan. Haydovchi O.O. (1985-yilda tug‘ilgan) boshqaruvida bo‘lgan Mercedes-Benz GL 500 avtomobilning dvigatel qismida elektr simlarida qisqa tutashuv sababli yong‘in yuzaga kelgan. O‘t o‘chiruvchilar voqea joyiga zudlik bilan yetib borgan va yong‘in bartaraf etilgan. Hodisa oqibatida tan jarohati olgan fuqarolar yo‘q. Yong‘inda avtomobilning motor va salon qismi yonib zararlangan. Holat yuzasidan Toshkent shahar FVB va YHXB xodimlari tomonidan surishtiruv harakatlari olib borilmoqda. Avvalroq Namanganda "Jiguli” yonib ketgani, Sergelidagi avtosalonda yong‘in chiqqani xabar qilingan. Shuningdek, Qashqadaryoda harakatlanib ketayotgan Spark’ning motori yonib ketgani, Qashqadaryodagi zapravkada "KamAZ” yonib ketgani haqida xabar berilgan.

1 2 3 4 5 Категория: Har-Hil | Просмотров:843 | Добавил: moderator | Теги: yangilik | Рейтинг: 0.0/0

Всего комментариев: 0