Главная » 2021 » Oktyabr » 27 » Surxondaryoda ham ichki ishlar xodimlari elektroshokerdan foydalanishni boshlaydi

---

01:10 Surxondaryoda ham ichki ishlar xodimlari elektroshokerdan foydalanishni boshlaydi

Surxondaryo viloyatida vazifasiga kirishgan ichki ishlar organi xodimlari yo‘riqnomada ko‘rsatilgan holatlarda elektroshok qurilmalarini qo‘llashni boshlaydi. Bu haqda Ichki ishlar vazirligi matbuot xizmati xabar qildi. Ma’lum bo‘lishicha, "Skorpion” rusumli elektroshok qurilmasi amaliyotda foydalaniladigan rezina tayoq, ya’ni "dubinka”ga o‘xshash shaklda ishlab chiqarilgan. Undan, zaruratga qarab, "dubinka” sifatida ham foydalanish mumkin. Qayd etilishicha, elektroshok ta’sirida inson tanasi birinchi soniyada og‘riq zarbasini his qilsa, ikkinchi soniyada mushaklar muvozanati yo‘qoladi. Elektroshokerni keksa yoshdagilar, nogironligi aniq ko‘rinib turgan shaxslar, yosh bolalar hamda homilador ayollarga nisbatan qo‘llash taqiqlanadi. Agar ular tomonidan qurolli yoki guruh bo‘lib hujum qilinsa, bu taqiqlarga amal qilinmaydi. Eslatib o‘tamiz, avvalroq O‘zbekistonda 24-sentabrdan boshlab ichki ishlar organlari xodimlari tomonidan elektroshokerdan foydalanish boshlangani xabar qilingandi. Unda aytilishicha, IIO xodimlarining maxsus vositalar va o‘qotar qurollardan foydalanish tartibi "Ichki ishlar organlari to‘g‘risida”gi qonunga asoslangan bo‘lib, ichki ishlar vazirining bu boradagi tegishli buyrug‘i qabul qilingan. Ma’lumotga ko‘ra, ichki ishlar organi xodimining qonuniy talablarini bajarmaslik, hokimiyat vakiliga yoki fuqaroviy burchini bajarayotgan shaxsga qarshilik ko‘rsatish oqibatida IIO xodimlari yoki fuqarolarning hayoti va sog‘lig‘iga real xavf tug‘dirgan taqdirda ushbu qurilma xodimlar tomonidan foydalaniladi. Elektroshok qurilmalari Rossiyaning "Mart” zavodi tomonidan ishlab chiqarilgan. Bundan tashqari, Farg‘onada ichki ishlar organlari xodimlari 24-sentabrdan elektroshokerdan foydalanishni boshlashi ma’lum qilingan. Unga ko‘ra, IIO xodimlari xizmat jarayonida elektroshoker qurilmasidan foydalanishdan avval maxsus tayyorgarlik va davriy tekshiruvdan o‘tkaziladi. Maxsus tayyorgarlikdan o‘tgan xodimga tegishli sertifikat beriladi.

1 2 3 4 5 Категория: Har-Hil | Просмотров:467 | Добавил: moderator | Теги: yangilik | Рейтинг: 0.0/0

Всего комментариев: 0