Kecha, 18 yanvar kuni chechenistonlik biznesmenga qo‘ng‘iroq qilib, Ramzan Qodirovning ovozi bilan undan pul undirgan 2 nafar qonunbuzar qo‘lga olindi. Bu haqda Ramzan Qodirov Instagram’dagi sahifasi orqali xabar berdi.
"Aziz do‘stlar, Surgutda yashab, faoliyat ko‘rsatadigan tadbirkor Zubayr Zaynadiyev politsiyaga murojaat qilib, unga kimdir mening nomimdan qo‘ng‘iroq qilayotganini, mashinasi va pullarini berishi lozimligini aytibdi.
Biz bu bilan qiziqdik va jinoyatchilarni topishga muvaffaq bo‘ldik. Ular Azamat-yurtlik Zelimxan Xasimikov va Said Gerimsultanovlar bo‘lib chiqishdi.
Jinoyatchilar mening ovozimga o‘xshagan ovoz bilan tadbirkordan mashina va pullarini undurmoqchi bo‘lishgan.
Qo‘lga olingan dastlabki vaqtda ular ayblarini tan olishmadi va shunchaki hazillashganlarini aytishdi.
Ko‘pincha insonlar biror bir g‘arazli ishni amalga oshiradi va bu ish jazosiz qolib ketadi, deb o‘ylashadi. Biroq bu xato fikr. Biz hech qachon hech kimdan pul so‘ramaganmiz. Yurtimizdagi maxsus fond nafaqat mamlakatimiz balki boshqa davlatlarning fuqarolariga yordam berib kelmoqda.
Eng yomoni, bu kabi jinoyatchilar qo‘l telefonidagi Periscope ilovasi yordamida mening nomimdan turli sahifalarni ochib, haqiqatan yiroq bo‘lgan ko‘plab ma'lumotlarni tarqatishmoqda, atrofdagilarni qaysidir so‘zlarimni ishlatgan holda aldab, mavjud bo‘lmagan telefon raqamlarini berishmoqda.
Shuningdek, ijtimoiy tarmoqlarda sahifalar tashkil qilib, o‘zini Ramzan Qodirov deb tanishtirayotgan o‘nlab yolg‘onchilar bor. Shu kabi anglashilmovchiliklarni oldini olish maqsadida ijtimoiy tarmoqlardagi rasmiy, shaxsiy sahifalarim bilan sizlarni tanishtirmoqchiman”, deb ijtimoiy tarmoqlardagi sahifalari haqida ma'lumot qoldirgan Ramzan Qodirov, "Jinoyatchilar Qodirovlar avlodining obro‘sini to‘kishga urunishdi, ammo halq bizning ularga vijdon bilan qanday munosabatda bo‘lishimizni biladi”, deya o‘z fikriga yakun yasagan.