Главная » 2019 » Yanvar » 17 » Po‘lat Saidqosimovning ahvoli haqida ma'lumot berildi

---

20:31 Po‘lat Saidqosimovning ahvoli haqida ma'lumot berildi

Avvalroq, joriy yilning 15 yanvar kuni O‘zbekiston xalq artisti Po‘lat Saidqosimovning Farg‘ona to‘satdan tobi qochib, shifoxonaga tushgani, so‘ng Respublika shoshilinch tibbiy yordami ilmiy markaziga olib kelingani haqida xabar bergan edik.   Bizning sayt o‘z manbalariga tayanib aniqlagan ma'lumotlarga qaraganda, O‘zbekiston xalq artisti Po‘lat Saidqosimov kecha, 16 yanvar kuni Respublika shoshilinch tibbiy yordami ilmiy markazi bosh direktori tibbiyot fanlari doktori, professor Abduhakim Xodjiboyev boshchiligidagi shifokorlar tomonidan operatsiya qilingan. Jarrohlik amaliyoti 6 soat davom etgan.   So‘nggi ma'lumotlarga qaraganda, Po‘lat Saidqosimov shifoxonaning Jonlantirish bo‘limida qolmoqda. Shikoforlar uning ahvoli og‘irligini aytgan.   Eslatib o‘tamiz, aktyorga Qo‘qon shahar shoshilinch tibbiy yordam shifoxonasi xirurglari tomonidan ko‘rikdan o‘tkazilib, bemorda "O‘tkir ichak tutilishi” tashxisi qo‘yilgan edi.   Ma'lumot o‘rnida, O‘zbekiston xalq artisti Po‘lat Saidqosimov 1931 yilning 8 oktyabrida Toshkentda tavallud topgan.   87 yoshli aktyor ko‘p yillar O‘zbek milliy akademik drama teatrida faoliyat olib borgan.   U aktyorlik faoliyatini 1953 yilda filmlarda suratga tushishdan boshlagan. 1954-57 yillarda Samarqand musiqali drama teatrida ishlagan. 1957 yildan O‘zbek milliy akademik drama teatri jamosi safiga qo‘shilgan.   Tomoshabinlar uni "Shaytanat”, "Olovli yo‘llar”, "Anora”, "Chol va nabira”, "Qovun” kabi filmlari va teatr sahnasidagi "Kelinlar qo‘zg‘aloni” spektakli orqali yaxshi taniydi.

1 2 3 4 5 Категория: Har-Hil | Просмотров:1177 | Добавил: Admin | Теги: Po‘lat Saidqosimovning ahvoli haqid | Рейтинг: 0.0/0

Всего комментариев: 0