Главная » 2020 » Aprel » 12 » Kattaqo‘rg‘on shahridagi aholi yashovchi ko‘p qavatli uyda portlash sodir bo‘ldi

---

11:34 Kattaqo‘rg‘on shahridagi aholi yashovchi ko‘p qavatli uyda portlash sodir bo‘ldi

Samarqand viloyati Kattaqo‘rg‘on shahrida aholi yashovchi ko‘p qavatli uyda portlash sodir bo‘lgan. Bu haqda xabar bergan fuqaroning ta’kidlashicha, voqea bugun, 12-aprel kuni, soat 06:30 da yuz bergan. "Ikki qavatli binoning bitta ‘podyezdi’ qulab tushgan, vafot etganlar bor”, — deyiladi xabar manbasida. Ma’lum qilinishicha, portlash nimadan sodir bo‘lgani hozircha noma’lum. Viloyat favqulodda vaziyatlar boshqarmasi axborot xizmati mazkur xabarni tastiqlar ekan, qutqaruv ishlari amalga oshirilayotganini qo‘shimcha qildi. "Portlash yuz bergach, bosib qolgan bino ostidan chinqiriqlar eshitilgan. Yaqin qo‘shnilar yordamga shoshgan” Kattaqo‘rg‘on shahar hokimligi axborot xizmatining ma’lum qilishicha, ayni paytda viloyat hokimi Erkinjon Turdimov voqea joyiga yetib borgan. Portlashdan zarar ko‘rgan xonadonlarni evakuatsiya qilish ishlari boshlangan. "Portlash nimadan kelib chiqqani hozircha noma’lum. Sabablari o‘rganilmoqda. Tez orada rasmiy ma’lumot beramiz”, — deydi shahar hokimligi axborot xizmati rahbari Jamshid Nosirov.

1 2 3 4 5 Категория: Har-Hil | Просмотров:596 | Добавил: moderator | Теги: yangilik | Рейтинг: 0.0/0

Всего комментариев: 0