Главная » 2016 » Yanvar » 6 » 7-yanvarda O‘zbekistonning aksariyat hududlarida yog‘ingarchilik kuzatiladi

---

13:58 7-yanvarda O‘zbekistonning aksariyat hududlarida yog‘ingarchilik kuzatiladi

Farg‘ona vodiysi viloyatlaridan tashqari O‘zbekistonning qolgan barcha hududlarida 7-yanvar, payshanba kuni yog‘ingarchilik kuzatiladi. "O‘zgidromet” ma’lumotlariga ko‘ra, shu kuni aksariyat hududlarda yomg‘ir yog‘sa, Qoraqalpog‘iston Respublikasi va Xorazm viloyatida qor ham yog‘ishi mumkin.7-yanvar kuni Farg‘ona vodiysidan boshqa barcha hududlarda, xususan, tog‘li hududlarda ham shamol tezligi soniyasiga 15-20 metrgacha kuchayishi kutilmoqda. Butun O‘zbekiston bo‘ylab tuman tushishi ehtimoli bor. Qoraqalpog‘iston Respublikasi va Xorazm viloyatida 7-yanvarga o‘tar kechasi havo harorati -5 darajagacha, Farg‘ona vodiysida -2 darajaga sovishi mumkin, qolgan hududlarda 0…+7 daraja iliq oralig‘ida bo‘ladi. 7-yanvar kuni kunduzi esa shimoliy hududlarda +2…+7 daraja, vodiyda +5…+10 daraja, tog‘li hududlarda -3…+2 daraja, boshqa hududlarda esa +13 darajagacha iliq bo‘ladi. Avvalroq, O‘zbekistonning tog‘li hududlarida 8-yanvarga qadar qor ko‘chishi xavfi borligi haqida xabar berilgan edi.

1 2 3 4 5 Категория: Har-Hil | Просмотров:1396 | Добавил: Admin | Рейтинг: 0.0/0

Всего комментариев: 0