Главная » 2020 » Iyun » 7 » Yangiyo‘ldagi xonadondan qadimiy buyumlar va odam suyaklari topildi. Ularning yoshi 2000 yildan ortiq deb baholanmoqda

---

20:29 Yangiyo‘ldagi xonadondan qadimiy buyumlar va odam suyaklari topildi. Ularning yoshi 2000 yildan ortiq deb baholanmoqda

Yangiyo‘l tumani hokimligi 2020-yilning 3—4-iyun kunlari tumandagi "Madaniyat” mahallasida yashovchi fuqaroning hovlisida qazilgan chuqurdan qadimiy qabr topilganini xabar qildi. Xabarga ko‘ra, 5-iyun, juma kuni xonadon egasi tomonidan qilingan murojaat asosida Toshkent viloyati madaniy meros boshqarmasi, Yangiyo‘l tuman hokimligi, tuman prokuraturasi va tuman IIB bo‘limi hamda jamoatchilik vakillari tomonidan fuqaro yashab turgan turar joy hovlisida qazilgan chuqurda qazishma ishlari olib borilgan. Amalga oshirilgan qazilma ishlariga ko‘ra, ushbu qabr "Qovunchi” madaniyatiga oid bo‘lib, u miloddan avvalgi III, milodning III-IV asrlariga oid ekanligi qayd etildi. Qabrdan o‘sha davrda yashagan odamlarning suyak qoldiqlari (1 ta skelet) va 9 xildagi turli hajm va shakldagi sopol buyumlari (1 donasi siniq holda hamda 1 dona ayollar munchog‘i) olingan. Ayni chog‘da ushbu qadimiy topilma Yangiyo‘l shahar Usmon Yusupov uy-muzeyiga dalolatnoma asosida topshirilgan, deyiladi xabarda.

1 2 3 4 5 Категория: Har-Hil | Просмотров:563 | Добавил: moderator | Теги: yangilik | Рейтинг: 0.0/0

Всего комментариев: 0