Главная » 2020 » Fevral » 5 » Xitoyda misga nisbatan talabning qisqarishi oqibatida ushbu metall narxi jahon bozorida keskin pastladi

---

13:24 Xitoyda misga nisbatan talabning qisqarishi oqibatida ushbu metall narxi jahon bozorida keskin pastladi

Yil boshidan buyon misning dunyo bozoridagi narxi keskin pastlab o‘tgan yil sentabr oyidagi kabi 12 foizgacha arzonlashgan. Oxirgi kunlardagi savdolar natijalariga ko‘ra, narxlar 13 kun davomida pastlab borgan. Mis narxi ushbu sanoat metallining eng yirik import qiluvchisi hisoblangan Xitoyda misga nisbatan talabning qisqarib borayotgani tufayli arzonlashgan, deb yozmoqda "Kommersant”. Xitoyda misdan elektronika mahsulotlari ishlab chiqarish, transport, mashinasozlik va qurilishda foydalaniladi. Ekspertlar mis bilan bog‘liq vaziyat iqtisodiyot holatini aniqlashning mezonlaridan biri ekanini qayd etgan. "Mis ishlab chiqarish sohasiga kuchli ta’sir ko‘rsatadi. O‘tgan yilgi savdo nizolaridan keyin ushbu vaziyat dunyo iqtisodiyoti uchun yana bir og‘riqlik nuqta bo‘lishi mumkin”,— deya ta’kidlagan CNBC telekanaliga bergan intervyusida Charles Schwab tahlilchisi Jefri Klyantop. Xitoy koronavirus tufayli iqtisodiyotga 173 mlrd dollarlik likvidlik kiritadi Avvalroq Moody’s reyting agentligi metall ishlab chiqarish dinamikasini tahlil qilib Xitoyda koronavirusning tarqalishi dunyo iqtisodiyotiga 2008–2009-yillarda kuzatilgan jahon moliyaviy iqtisodiy inqirozidan ham kuchliroq ziyon yetkazishi mumkinligi haqida xavotirlar mavjudligi haqida yozgan.

1 2 3 4 5 Категория: Har-Hil | Просмотров:500 | Добавил: moderator | Теги: yangilik | Рейтинг: 0.0/0

Всего комментариев: 0