Главная » 2020 » Iyun » 22 » Uzbekistan Airways, “Ipotekabank”... SSV aholi orasida qayerlarda koronavirus aniqlanganini ma’lum qildi

---

16:56 Uzbekistan Airways, “Ipotekabank”... SSV aholi orasida qayerlarda koronavirus aniqlanganini ma’lum qildi

Avvalroq, 21 iyun kuni O‘zbekistonda koronavirus aniqlangan 162 nafar bemordan 22 nafari aholi orasida tasdiqlangani haqida xabar bergan edik. 21 iyun kuni aholi orasida koronavirus aniqlanish holatlarini hududlar kesimida ko‘rilsa, Buxoro viloyatida 11 nafar, Toshkent shahrida 7 nafar, Sirdaryo, Samarqand, Andijon va Toshkent viloyatlarida 1 nafarni tashkil qildi. Jumladan, Shayxontohur tumanida yashovchi G.I.da (sanatoriyga yotish maqsadida namuna topshirgan) va Z.G.da (shifoxonaga yotish uchun namuna topshirgan), "Ipotekabank”ning Chilonzor tuman filiali xodimi F.A.da (tana harorati ko‘tarilganligi sababli namuna topshirgan), Uzbekistan Airways AJ xodimi Sh.D.da (ishga qaytish uchun namuna topshirgan) , Toshkent shahridagi "AMG” MCHJ xodimi K.M.da (profilaktika maqsadida namuna topshirgan) kasallik qayd etilgan. Shuningdek, Buxoro viloyatidagi xorijiy korxonaning 4 nafar ishchisida (korxona xodimi  tana harorati ko‘tarilgan va namuna topshirgan. Profilaktika maqsadida boshqa xodimlardan ham namuna olingan) va shu xududdagi  issiqxonaning 5 nafar ishchisida (profilaktika maqsadida namuna topshirishgan), shuningdek, viloyatda yana 2 nafar fuqaroda (profilaktika maqsadida namuna olingan), Andijon viloyati Paxtaobod tumanida yashovchi X.T.da (Toshkent shahar Yakkasaroy tumanidagi "F-market” do‘konida sotuvchi. Tana harorati ko‘tarilgach, ertasiga Andijon viloyatiga, o‘z uyiga qaytgan), Sirdaryo viloyati Guliston shahrida yashovchi fuqaro G.A.da hamda Samarqand shahar sanitariya-epidmiologiya osoyishtaligi markazi xodimida ham koronavirus infeksiyasi tasdiqlangan. Ayni paytda ushbu holatlar yuzasidan epidemiologik  surishtiruv ishlari olib borilmoqda.  "Vaziyat hamon xavotirli ekanini inobatga olib, Sog‘liqni saqlash vazirligi aholidan yon-atrofdagi odamlar bilan ijtimoiy masofa saqlagan holda, imkon qadar kamroq muloqotda bo‘lishni, va albatta, zarurat bo‘lmaganda ko‘chaga chiqmaslik, ozodalikni saqlash,  qo‘llarni yaxshilab, qayta-qayta yuvish, ko‘chaga chiqqanda niqobni to‘g‘ri taqib yurish kabi karantin qoidalariga muntazam ravishda qat’iy rioya etishlarini so‘rab qoladi”, deyiladi SSV xabarida.

1 2 3 4 5 Категория: Har-Hil | Просмотров:481 | Добавил: moderator | Теги: yangilik | Рейтинг: 0.0/0

Всего комментариев: 0