Главная » 2020 » Mart » 28 » Urugvay terma jamoasini 14 yil boshqargan murabbiy koronavirus sabab iste’foga chiqarildi

---

20:10 Urugvay terma jamoasini 14 yil boshqargan murabbiy koronavirus sabab iste’foga chiqarildi

Urugvay futbol assotsiatsiyasi barcha xodimlari (400 nafardan ortiq), shu jumladan terma jamoa bosh murabbiyi Oskar Tabares bilan ham shartnomani bekor qildi. Bu haqda tashkilot rasmiy saytida ma’lum qilindi. Bunga sabab qilib koronavirus pandemiyasi tufayli yuzaga kelgan moliyaviy muammolar ko‘rsatilgan. "Jahon darajasidagi epidemiya va inqiroz sabab tashkilotning faoliyati butunlay to‘xtab qoldi, biz favqulotda choralar ko‘rishga majburmiz. Bularning barchasi tashkilotning mavjudligini saqlab qolish uchun qilindi”, — deyiladi bayonotda. 73 yoshli Tabares 2006-yildan buyon Urugvay terma jamoasida faoliyat yuritib kelayotgandi. Uning qo‘l ostida jamoa Amerika Kubogi—2011 musobaqasida chempionlikni qo‘lga kiritdi. Oskar shuningdek, "Milan”, "Kalyari”, "Ovyedo”, "Boka Xuniors” va boshqa bir qator klublarni boshqargan. Mutaxassis terma jamoa boshqaruvida eng ko‘p o‘yin o‘tkazish bo‘yicha rekordchi hisoblanadi.

1 2 3 4 5 Категория: Har-Hil | Просмотров:534 | Добавил: moderator | Теги: yangilik | Рейтинг: 0.0/0

Всего комментариев: 0