Главная » 2020 » Mart » 19 » Toshkentda 8-mart kuni BMW va Mercedes avtomobillarini yoqib yuborganlikda gumonlanayotgan shaxslar qo‘lga olindi

---

08:57 Toshkentda 8-mart kuni BMW va Mercedes avtomobillarini yoqib yuborganlikda gumonlanayotgan shaxslar qo‘lga olindi

Toshkentda 8-mart kuni bir ayolga tegishli BMW X5 va Mercedes GLC yonib ketgani haqida xabar berilgan edi. Keyinroq Ichki ishlar vazirligi mazkur holat bo‘yicha ma’lumot bergan va avtomobillar qasddan yoqib yuborilgani ma’lum bo‘lgan edi. Toshkent shahar IIBB tomonidan ma’lum qilinishicha, ushbu holat bo‘yicha O‘zbekiston Respublikasi Jinoyat kodeksining 173-moddasi 2-qismi "v” bandi bilan jinoiy ish qo‘zg‘atilgan. Ko‘rilgan choralar natijasida, ikkita avtomobilni qasddan yoqib yuborganlikda gumonlanuvchi 30 yoshli samarqandlik Tursin E. va Toshkent viloyatida yashovchi 26 yoshli Shahzod Sh. qo‘lga olingan. Avtomobillar 8-mart kuni taxminan soat 05:30 da Mirobod tumanida yoqib yuborilgan. Moddiy zarar miqdori taxminan 225 000 dollar deb baholangan. Eslatib o‘tamiz, Toshkentning Bunyodkor shohko‘chasida 2020-yilning 9-yanvar kuni yuz bergan YTHda 777 raqamli BMW yonib ketgan edi. YTH oqibatida ikki kishi halok bo‘lgan. Voqea joyidan qochib ketgan BMW’ning mast haydovchisi keyinroq ushlangan.

1 2 3 4 5 Категория: Har-Hil | Просмотров:547 | Добавил: moderator | Теги: yangilik | Рейтинг: 0.0/0

Всего комментариев: 0