Главная » 2020 » Fevral » 9 » Tailandda harbiy xizmatchi boshlig‘ini otib o‘ldirdi. So‘ng savdo markazini o‘qqa tutdi. 20 kishi halok bo‘ldi

---

13:23 Tailandda harbiy xizmatchi boshlig‘ini otib o‘ldirdi. So‘ng savdo markazini o‘qqa tutdi. 20 kishi halok bo‘ldi

8-fevral kuni Tailand markaziy qismidagi Nakxonratchasima shahrida harbiy xizmatchi Jakrapant Tomma savdo markazini o‘qqa tutib, bir necha kishini garovga oldi, deb yozadi Meduza. Harbiy dastlab o‘zi xizmat qiladigan qism rahbarini, yana ikki ofitserni, 63 yoshli ayolni otib o‘ldirdi. Shundan so‘ng u harbiy qismdan olib qochgan mashinasida shahar markaziga borib, u yerda o‘tkinchilarga qarata o‘q uzgan. Qayd etilishicha, harbiy xizmatchi professional snayper bo‘lib, u bir necha marta xalqaro tanlovlarda g‘alaba qozongan. Uning qurolida kamida 700 ta o‘q bo‘lgan. Harbiy o‘z harakatlarini smartfoni yordamida videoga olib, Facebook’da jonli efir qilgan. Efir bir necha daqiqa davom etgan, keyinroq uning akkaunti ijtimoiy tarmoq ma’muriyati tomonidan bloklangan. Harbiy otishma davomida kamida 20 kishini o‘ldirilgan, yana 31 kishi jarohatlangan. Jabrlanuvchilarning 16 nafari og‘ir ahvolda. Otishma joyiga politsiya va maxsus xizmat xodimlari yetib kelganida jinoyatchi savdo markazining beshinchi qavatiga yashirinib olgan. U o‘nlab insonlarni garovga olgan. Politsiyachilar bir necha soat mobaynida savdo markazidagi insonlarni evakuatsiya qilgan. Hammasi bo‘lib mingdan ortiq kishi xavfsiz joyga olib chiqilgan. Oradan bir muddan o‘tib, mamlakat hukumati garovdagilarning hammasi ozod etilganini ma’lum qilgan. Harbiy xizmatchiga nisbatan qanday chora ko‘rilgani esa noma’lum.

1 2 3 4 5 Категория: Har-Hil | Просмотров:490 | Добавил: moderator | Теги: yangilik | Рейтинг: 0.0/0

Всего комментариев: 0