Главная » 2020 » Mart » 31 » Slovakiyada 110 kundan keyin koronavirus o‘zining eng yuqori cho‘qqisiga chiqishi kutilmoqda

---

10:51 Slovakiyada 110 kundan keyin koronavirus o‘zining eng yuqori cho‘qqisiga chiqishi kutilmoqda

Slovakiyada hozirda koronavirus tarqalishining oldini olish bo‘yicha amalga oshirilayotgan chora-tadbirlar holatida 110 kundan keyin kasallik eng yuqori cho‘qqisiga chiqadi, bunda kasallar soni 8 mingga yetishi mumkin. Bu haqda mamlakat sog‘liqni saqlash vaziri Marek Kraychiga tayanib, "RIA Novosti” xabar berdi. "COVID-19 koronavirusining tarqalishiga qarshi qabul qilingan chora-tadbirlar muvaffaqiyatli amalga oshiriladigan bo‘lsa, respublikada kasallikning yuqori cho‘qqisi 110 kundan keyin keladi. Taxminlarga ko‘ra, mingga yaqin odam sun’iy nafas oldirish apparatlariga muhtoj bo‘ladi va virus bilan kasallangan yana 7 ming kishi shifoxonaga joylashtiriladi”, — deydi vazir. So‘nggi ma’lumotlarga ko‘ra, Slovakiyada koronavirus bilan kasallanganlar soni 336 kishiga yetgan. 30-mart kuni mamlakat g‘arbidagi Boynitse shahrida COVID-19 bilan kasallangan bemor vafot etgan. "Hozirda marhumning jasadini yorib ko‘rish natijasida olingan tahlillar javobi kutilyapti. Bemor aynan nimadan vafot etganiga aniqlik kiritiladi”, — deydi Sog‘liqni saqlash vazirligi matbuot kotibi Zuzana Eliashova. Eslatib o‘tamiz, COVID-19 koronavirusi o‘tgan yilning dekabr oyida Xitoyning Xubey provinsiyasida tarqalgan edi. 12-mart kuniga kelib mamlakatda koronavirus pandemiyasining eng yuqori cho‘qqisi ortda qolgani ma’lum qilingandi. Butun Xitoy bo‘ylab 82 mingdan ortiq odam ushbu virus bilan kasallangan, bemorlarning 90 foizidan ortig‘i sog‘ayib ketgan.

1 2 3 4 5 Категория: Har-Hil | Просмотров:599 | Добавил: moderator | Теги: yangilik | Рейтинг: 0.0/0

Всего комментариев: 0