Главная » 2020 » Mart » 13 » Sankt-Peterburgda o‘zbekistonliklar va dog‘istonliklar o‘rtasida ommaviy mushtlashuv yuz berdi

---

21:16 Sankt-Peterburgda o‘zbekistonliklar va dog‘istonliklar o‘rtasida ommaviy mushtlashuv yuz berdi

Rossiyaning Sankt-Peterburg shaharida o‘zbekistonlik migrantlar va dog‘istonliklar o‘rtasida ommaviy mushtlashuv yuz berdi. Bu haqda "Interfaks” xabar berdi. Ma’lum qilinishicha, politsiya xodimlari "Galereya” savdo-ko‘ngilochar majmuasi yonida ro‘y bergan ommaviy mushtlashuvda ishtirok etganlikda gumon qilingan 11 kishini qo‘lga olgan. Tergov ma’lumotlariga ko‘ra, mojaro O‘zbekiston fuqarolari va dog‘istonliklar o‘rtasida kelib chiqqan. Qayd etilishicha, mushtlashuvda 15 kishi qatnashgan, ular politsiya kelgunicha tarqalib ketgan. Ulardan biriga pichoq bilan jarohat yetkazilgan, u o‘rta og‘irlikdagi tan jarohati bilan kasalxonaga yotqizilgan. Agentlikning yozishicha, qo‘lga olinganlar 18—25 yoshli o‘zbekistonliklar va dog‘istonliklar hisoblanadi. Ularga bezorilik bo‘yicha ish qo‘zg‘atilgan. Avvalroq, Moskvada O‘zbekiston fuqarolari ishtirokida ommaviy mushtlashuv yuz bergan edi. Shuningdek, Samarqanddagi qurilishda Turkiya va O‘zbekiston fuqarolari o‘rtasida ommaviy mushtlashuv yuzaga kelgan edi.

1 2 3 4 5 Категория: Har-Hil | Просмотров:584 | Добавил: moderator | Теги: yangilik | Рейтинг: 0.0/0

Всего комментариев: 0