Главная » 2020 » Mart » 12 » Samarqandda YPX xodimiga qarshilik ko‘rsatib, uni haqorat qilgan fuqaro 7 sutkaga qamaldi

---

20:13 Samarqandda YPX xodimiga qarshilik ko‘rsatib, uni haqorat qilgan fuqaro 7 sutkaga qamaldi

Samarqandlik haydovchi YPX inspektori faoliyatiga qarshilik ko‘rsatib, uni haqorat qildi. Shu sababdan ham 7 sutkaga qamaldi. Bu haqda  Samarqand viloyati IIB axborot xizmati rahbari Jahongir Sagdullayev ma’lum qildi. Ma’lum bo‘lishicha, 10-mart, seshanba kuni, Tayloq tumani "Bog‘i chinor” mahallasi hududidan o‘tuvchi A-377 Sadriddin Ayniy—Tayloq avtomobil yo‘lida xizmatga jalb etilgan Samarqand viloyati IIB YHXB xodimlari Nexia rusumli avtomashina haydovchisini to‘xtatib, xavfsizlik kamarini taqmasdan harakatlanib kelayotganini bildirgan. Haydovchi S.O. inspektorning qonuniy talablarini bajarmay qoidabuzarlik bo‘yicha ma’muriy bayonnoma tuzayotgan xodim faoliyatiga qarshilik ko‘rsatgan. Uydirma gaplar bilan atrofdagi fuqarolarni o‘ziga qaratib, YPX xodimini haqoratlab, hodisa joyidan ketib qolgan. Tayloq tumani Ma’muriy sudining 2020-yil 11-mart sanasidagi qarori bilan haydovchi S.O.ga nisbatan Ma’muriy javobgarlik to‘g‘risidagi kodeksning 183-moddasi (Mayda bezorilik), 194-moddasi (Ichki ishlar organlari xodimining qonuniy talablarini bajarmaslik) va 195-moddasida (Ichki ishlar organlari xodimlarining o‘z xizmat burchlarini bajarishlariga qarshilik ko‘rsatish) nazarda tutilgan ma’muriy huquqbuzarliklarni sodir etganligi uchun 7 sutka ma’muriy qamoq jazosi tayinlandi. Eslatib o‘tamiz, Marg‘ilonda YPX inspektorining talabiga bo‘ysunmagan 19 nafar Damas haydovchisi qamalgandi. YPX inspektorini nohaq ayblab, videoga olgan fuqaro 10 sutkaga qamalgan bo‘lsa, Samarqandda YPX inspektoriga qarshilik ko‘rsatgan fuqaro 5 sutkaga qamalgandi.

1 2 3 4 5 Категория: Har-Hil | Просмотров:571 | Добавил: moderator | Теги: yangilik | Рейтинг: 0.0/0

Всего комментариев: 0