Главная » 2020 » Iyun » 21 » RPL. Oston O‘runovning “Ufa”si qo‘shib berilgan daqiqalarda gol urib, “Tambov”ni mag‘lubiyatga uchratdi

---

20:39 RPL. Oston O‘runovning “Ufa”si qo‘shib berilgan daqiqalarda gol urib, “Tambov”ni mag‘lubiyatga uchratdi

Futbol bo‘yicha Rossiya chempionatining 23-turidan o‘rin olgan bahsda "Ufa” 21-iyun, yakshanba kuni "Tambov”ni qabul qildi. Uchrashuvning dastlabki bo‘limida "Ufa” penaltidan kiritilgan gol evaziga hisobda oldinga chiqib oldi. Shundan so‘ng o‘yin biroz sokinlashdi. Faqatgina 77-daqiqaga kelib "Tambov” futbolchilari hisobni tenglashtirishga muvaffaq bo‘ldi. "Ufa” esa g‘alaba qozonish maqsadida qator hujumlar uyushtirdi va qo‘shib berilgan daqiqalardagina o‘z maqsadiga erishdi — 2:1. Ushbu bellashuvda o‘zbekistonlik futbolchi Oston O‘runov maydonda to‘liq harakat qildi. Mazkur g‘alabadan keyin "Ufa” ochkolari sonini 30 taga yetkazib, 8-o‘ringa ko‘tarilib olgan bo‘lsa, "Tambov” 23 ochko bilan 12-pog‘onada bormoqda. RPL 23-tur bahsi 21-iyun, yakshanba "Ufa” — "Tambov” 2:1 Gollar: Fomin (20), Kostyukov (77), Giorgobiani (90+2). "Ufa”: Belenov, Suxov, Nikitin, Tabidze, Nedelcharu, Fomin, Karp (Giorgobiani, 86), O‘runov, Yokich, Krotov (Aliyev, 66), Bizyak (Kozlov, 67). "Tambov”: Sheliya, Shlyakov (Kapliyenko, 46), Ribin, Filin (Yurganov, 73), Tetrashvili, Karasev (Fedchuk, 73), Chuperka, Gritsayenko, Kostyukov (Mamtov, 82), Oyevole, Obuxov (Kabaxidze, 56). Ogohlantirishlar: Gritsayenko (26), Tetrashvili (30), Krotov (30), Chuperka (57), Filin (70), Karp (73). Chetlatish: Tetrashvili (36).

1 2 3 4 5 Категория: Har-Hil | Просмотров:452 | Добавил: moderator | Теги: yangilik | Рейтинг: 0.0/0

Всего комментариев: 0