Главная » 2020 » Aprel » 17 » Ramzan Qodirov dam olish kunlari ko‘chada yurganlar ishdan bo‘shatilishini ma’lum qildi

---

21:41 Ramzan Qodirov dam olish kunlari ko‘chada yurganlar ishdan bo‘shatilishini ma’lum qildi

Checheniston 18—19-aprel, dam olish kunlari, uchun qat’iy karantin e’lon qildi. Shu kuni faqat tibbiyot xodimlari, YPX, kommunal xizmat va favqulodda vaziyatlar xizmati xodimlari va maxsus ruxsatnomaga ega bo‘lgan shaxslargina harakatlanishi mumkin. Bu haqda respublika rahbari Ramzan Qodirov koronavirusga qarshi kurash bo‘yicha tezkor shtab yig‘ilishida ma’lum qilgan. "Shanba va yakshanba kunlari tibbiyot xodimlari, YPX, favqulodda vaziyatlar va kommunal xizmat xodimlari va operativ shtat tomonidan berilgan maxsus ruxsatnomaga ega shaxslardan tashqari boshqalarni ko‘chaga chiqmaslikka chaqirman. Qolgan barcha shaxslar, shu jumladan, vazirlik va idora xodimlari shu ikki kun davomida uyda o‘tirishlari lozim. Agar yuqorida nomi sanab o‘tilmagan davlat xizmatchilarining ko‘chada yurgani aniqlansa, ular darhol ishdan bo‘shatiladi”, — degan Ramzan Qodirov. Avvalroq Checheniston rahbari "o‘zini yakkalash” tartibini buzgan fuqarolar uchun yangi jazo chorasini o‘ylab topgandi. U karantinga rioya qilmaganlarni qishloq xo‘jaligi ishlariga jalb qilishni taklif etgan. "Uyida tinchgina o‘tira olmay ko‘chaga chiqdimi? Demak, har kuni dalada ishlab elga foyda keltiradi. Biz unga (qoidabuzarga) ish topib beramiz. Yer chopadi, ekin ekadi va uni parvarishlaydi”, — degandi Qodirov. Koronavirus epidemiyasiga qarshi kurash doirasida Checheniston 5-aprel kuni o‘z chegaralarini yopgandi. Cheklovlar ishlab chiqarish transporti va tibbiyot buyumlarini tashishga taalluqli emas. Bundan tashqari, respublikada tunda ko‘chaga chiqish taqiqlangan. Qodirovning aytishicha bu hali "kommendatlik soati” emas, balki "harakatni-to‘xtatish” chorasi. Mart oyida Ramzan Qodirov odamlarni koronavirusdan qo‘rqmaslikka va sarimsoq yeyishga chaqirgandi.

1 2 3 4 5 Категория: Har-Hil | Просмотров:616 | Добавил: moderator | Теги: yangilik | Рейтинг: 0.0/0

Всего комментариев: 0