Главная » 2020 » Aprel » 22 » Qoraqalpog‘istonda 1 yoshli bola koronavirusdan sog‘aydi. O‘zbekistonda tuzalganlar soni 372 kishiga yetdi

---

14:23 Qoraqalpog‘istonda 1 yoshli bola koronavirusdan sog‘aydi. O‘zbekistonda tuzalganlar soni 372 kishiga yetdi

Qoraqalpog‘iston yuqumli kasalliklar shifoxonasida koronavirus infeksiyasiga chalingan 15 nafar bemor sog‘aydi. Bu haqda Sog‘liqni saqlash vazirligi xabar berdi. Ma’lum qilinishicha, sog‘ayganlarning 2 nafari Toshkent shahridan, 13 nafari esa Qoraqalpog‘istondan bo‘lib, barchasi koronavirusga chalinganlar bilan muloqot orqali kasallikni yuqtirib olgan. Bemorlarning 6 nafari erkak, 9 nafari ayol bo‘lib, ular orasida eng kattasi 63 yoshda bo‘lsa, eng kichigi 2019-yil tug‘ilgan. Samarali davolash muolajalari tufayli bugungi kunda laboratoriya tekshiruvlari ularning darddan butunlay forig‘ bo‘lganini ko‘rsatdi. Hozirga qadar O‘zbekiston bo‘ylab koronavirus infeksiyasidan butkul sog‘ayganlar soni 372 nafarga yetdi. Eslatib o‘tamiz, 21-aprel kuni O‘zbekiston bo‘yicha 96 kishi koronavirusdan sog‘ayib, reabilitatsiyaga olingan edi. O‘zbekistonda 22-aprel soat 10:00 holatiga ko‘ra, koronavirus infeksiyasini yuqtirib olganlar soni 14 nafarga oshib, 1692 nafarni tashkil etmoqda. O‘zbekistonda 15-martdan buyon koronavirusga chalingan bemorlarning olti nafari vafot etdi, Xorijda kamida 73 o‘zbekistonlikda koronavirus aniqlangan (eng ko‘pi — 42 nafari — Rossiyada), ularning to‘rt nafari vafot etgani ma’lum qilingan.

1 2 3 4 5 Категория: Har-Hil | Просмотров:586 | Добавил: moderator | Теги: yangilik | Рейтинг: 0.0/0

Всего комментариев: 0