Главная » 2020 » Aprel » 21 » Putin koronavirusga qarshi vaksinaning davlat ro‘yxatidan o‘tkazilishini tezlashtirishga buyruq berdi

---

10:33 Putin koronavirusga qarshi vaksinaning davlat ro‘yxatidan o‘tkazilishini tezlashtirishga buyruq berdi

Vladimir Putin Rossiya sog‘liqni saqlash vaziri Mixail Murashkoga koronavirus vaksinasini ro‘yxatdan o‘tkazish uchun zarur bo‘lgan barcha jarayonlarni tezlashtirishni buyurdi. Bu haqda u mamlakatdagi sanitariya-epidemiologik vaziyatga bag‘ishlangan yig‘ilishda ma’lum qilgan. Yig‘ilishda ishtirok etgan Gamaleya nomidagi epidemiologiya va mikrobiologiya ilmiy-tadqiqot markazi direktori Aleksandr Gintsburgning ta’kidlashicha, mutaxassislar taxminan 15-iyunga kelib ushbu preparatni davlat ro‘yxatidan o‘tkazish imkoniyatiga ega bo‘ladi. Uning aytishicha, ayni paytda u klinik tekshiruvlarga qadar hayvonlarda sinovdan o‘tkazilmoqda. Ishchi rejaga ko‘ra, shifokorlar klinik tekshiruvlarga qadar tadqiqotlarni 31-maygacha yakunlashni rejalashtirmoqda, 1-iyundan esa preparatni klinik sinovdan o‘tkazish boshlanadi. Avvalroq Rossiyada koronavirusga qarshi kurash uchun 3 turdagi dori ishlab chiqilib,  COVID-19’ni davolashda foydalanish mumkin bo‘lgan preparat nomi e’lon qilingandi. Ayni paytda koronavirus qarshi vaksina Rossiyadan tashqari yana bir qator davlatlar, jumladan, AQSh, Fransiya, Buyuk Britaniya va Xitoyda ishlab chiqilmoqda. Dunyoda birinchi bo‘lib COVID-19 koronavirusiga qarshi vaksina sinovidan o‘tkazilgan odam amerikalik Jennifer Xaller bo‘ldi. Vaksina mRNA-1273 deb nomlanib, u Sietldagi Allergiya va yuqumli kasalliklar milliy institutida yaratilgan. Sinov uchun 45 nafar ko‘ngilli tanlab olingan. Ularning har biriga 28 kun davomida bir xil dozada 2 tadan inyeksiya qilinadi va ular 2021-yilning bahoriga qadar kuzatuvda bo‘ladi. Mart oyi oxirlarida Britaniyadagi hVIVO tadqiqot guruhining koronavirusga qarshi vaksina ishlab chiqish va shunga o‘xshash virusni yuqtirish dasturida ishtirok etishga 20 mingdan ortiq odam rozi bo‘lgan. 6-aprel kuni Turkiyada koronavirusga qarshi vaksina hayvonlarda muvaffaqiyatli test qilingan.

1 2 3 4 5 Категория: Har-Hil | Просмотров:549 | Добавил: moderator | Теги: yangilik | Рейтинг: 0.0/0

Всего комментариев: 0