Главная » 2020 » Yanvar » 31 » Peterburgda O‘zbekiston fuqarosining qo‘lidan 2 ta iPhone Pro Max va yana 11 ta smartfon o‘g‘irlab ketishdi

---

16:32 Peterburgda O‘zbekiston fuqarosining qo‘lidan 2 ta iPhone Pro Max va yana 11 ta smartfon o‘g‘irlab ketishdi

Rossiyaning Sankt-Peterburg shahrida Lite-Mobile internet-do‘konida kuryer bo‘lib ishlovchi O‘zbekiston fuqarosini to‘nab ketishdi, deb xabar beradi "Fontanka”. O‘zbekistonlik 40 yoshli erkak hodisa haqida huquq-tartibot organlariga 30-yanvar kuni kechasi soat 22:00 lar atrofida xabar bergan. U Kommunarlar ko‘chasida yashovchi mijozga ikkita 256 va 512 gegabayt xotiraga ega tillarang iPhone 11 Pro Max smartfonlarini olib kelgan. Mijozga qo‘ng‘iroq qilib, Lada Largus avtomobilidan uning oldiga tushganida esa yoniga Audi avtomashinasi kelib to‘xtagan. Audi’dan ikkita soqolli erkak tushib, O‘zbekiston fuqarosiga gaz ballonchadan gaz purkagan. Qo‘rqib ketgan o‘zbekistonlik erkak ikkita smartfonni mahkam ushlab qochgan. Lekin "soqollilar” uning ortidan yetib borib, yiqitib, tomog‘iga pichoq tirab, telefonlarni olib ketgan. O‘zbekiston fuqarosi Lada Largus avtomobiliga kelganida, mashinaning oynasini sindirib, uning ichidan turli rusumli yana 11 ta telefonni olib ketishganini payqagan. Jabrlanuvchining aytishicha, unga bo‘yi unchalik baland bo‘lmagan erkaklar hujum qilgan. Audi rulida esa sariq sochli erkak bo‘lgan. Internet-do‘kon ko‘rgan zarar 400 ming rubl (6300 dollar atrofida) deb baholanmoqda.

1 2 3 4 5 Категория: Har-Hil | Просмотров:591 | Добавил: moderator | Теги: yangilik | Рейтинг: 0.0/0

Всего комментариев: 0