Главная » 2020 » Iyun » 5 » O‘zbekistonda 8-iyundan “sariq” va “yashil” hududlarda jamoat transportida harakatlanishga ruxsat berildi

---

19:30 O‘zbekistonda 8-iyundan “sariq” va “yashil” hududlarda jamoat transportida harakatlanishga ruxsat berildi

Respublika maxsus komissiyasining qaroriga ko‘ra, O‘zbekistonda 8-iyundan boshlab "sariq” va "yashil” hududlarda jamoat transportida shahar (tuman) va shahar atrofi yo‘nalishlari bo‘yicha avtobus harakatlariga ruxsat berildi. Damas, mikroavtobus va metropoliten faoliyati bundan mustasno. Jamoat transporti faoliyatini qayta tiklashda quyidagi talablarga qat’iy rioya qilish talab etiladi: avtokorxona tomonidan transport vositasini har bir qatnov oldidan va oxirgi bekatda, shuningdek, avtoshohbekatlarda to‘liq dezinfeksiya qilish; haydovchilarni tibbiy niqob va qo‘lqoplar bilan ta’minlash hamda ularning muntazam ravishda o‘z vaqtida almashtirib borish choralarini ko‘rish; avtobus saloniga faqatgina tibbiy niqobdagi yo‘lovchilarni kiritish. Transport vazirligining hududiy va tarkibiy tuzilmalari mas’ul xodimlari tomonidan tegishli tashkilotlar bilan birgalikda ushbu talablarga rioya etilishi nazoratga olinadi. Shu o‘rinda O‘zbekistonda hali karantin cheklovlari bekor qilinmaganligini inobatga olgan holda jamoat transportida harakatlanish vaqtida yo‘lovchilardan karantin talablariga qat’iy amal qilish va ijtimoiy masofani saqlashga e’tibor qaratish so‘rab qolinadi. O‘z navbatida jamoat transportida karantin talablarini buzish tegishli ma’muriy javobgarlikka sabab bo‘ladi.

1 2 3 4 5 Категория: Har-Hil | Просмотров:486 | Добавил: moderator | Теги: yangilik | Рейтинг: 0.0/0

Всего комментариев: 0