Главная » 2020 » May » 4 » O‘zbekiston bo‘ylab uch kun davomida yomg‘ir va kuchli shamol bo‘lishi kutilmoqda

---

12:57 O‘zbekiston bo‘ylab uch kun davomida yomg‘ir va kuchli shamol bo‘lishi kutilmoqda

Respublika Gidrometeorologiya markazining xabar berishicha, 4—6-may kunlari O‘zbekiston hududiga Turkmaniston orqali Kaspiy dengizining janubiy tumanlari ustida shakllangan nam havo oqimi kiradi. 4-mayda Xorazm, Buxoro, Navoiy viloyatlarida yomg‘ir, ayrim joylarga kuchli yomg‘ir yog‘ishi kutilmoqda, momaqaldiroq bo‘lishi mumkin. Qashqadaryo, Samarqand viloyatlarida kechga borib yomg‘ir yog‘adi, momaqaldiroq bo‘lishi mumkin. Respublikaning qolgan hududlarida yog‘ingarchilik bo‘lmaydi. 5-mayda respublikaning ayrim joylariga yomg‘ir, kuchli yomg‘ir yog‘ishi kutilmoqda, momaqaldiroq bo‘lishi mumkin. Andijon, Namangan, Farg‘ona viloyatlarida kechga borib yomg‘ir yog‘ishi, momaqaldiroq bo‘lishi kutilmoqda. Qoraqalpog‘istonda, Xorazm viloyatida yog‘ingarchilik bo‘lmaydi. 6-mayda Toshkent, Samarqand, Jizzax, Sirdaryo, Andijon, Namangan, Farg‘ona viloyatlarida ayrim joylarga yomg‘ir, kuchli yomg‘ir yog‘adi, momaqaldiroq bo‘lishi mumkin. Respublikaning qolgan hududlarida yog‘ingarchilik bo‘lmaydi. 4-6-mayda shamolning tezligi 15-20 metr/sekundgacha kuchayishi, shamol shiddati 23-28 metr/sekundgacha yetishi mumkin. 4-7-may kunlari respublikaning tog‘oldi va tog‘li hududlarida sel kelishi xavfi bor.

1 2 3 4 5 Категория: Har-Hil | Просмотров:533 | Добавил: moderator | Теги: yangilik | Рейтинг: 0.0/0

Всего комментариев: 0